Օգտակար խորհուրդներ ձեռքերի և եղունգների խնամքի համար
Օգտակար նյութերի պակասը դառնում է կոտրատվող, շերտավորվող եղունգների պատճառ: Ուշադրություն դարձրեք, որ ձեր սննդակարգում լինեն մթերքներ, որոնք պարունակում են հետևյալ վիտամինները: Շատ կարևոր է ժամանակին հետևել ձեռքերին, մատնահարդարում անել: Գեղեցիկ տեսք ստանալու համար ձեզ կօգնեն վիտամին E-ի պարունակությամբ կրեմները, որոնք կարելի է օգտագործել ձեռքերի և եղունգների համար՝ օրը երկու անգամ:
Ուշադրություն դարձրեք, որ ձեր սննդակարգում լինեն
Վիտամին A․ գլխավոր պատասխանը, թե ինչպես շատ արագ աճեցնել եղունգները: Աճի այս վիտամինը կա գազարում, դդումում և բուլղարական պղպեղում:
Վիտամին B․ օգնում է ամրացնել եղունգները: Եթե նկատել եք ձեր եղունգների վրա սպիտակ գծեր, ապա իմացեք, որ դրանք B խմբի վիտամինների պակասի արդյունք են: Դրան չհասնելու համար օգտագործեք խնձոր, կաղամբ և այլ կանաչ բանջարեղեն:
Վիտամին C․ գեղեցիկ գույնի և հարթ եղունգների գրավականն է: Անպայման ձեր սննդակարգ մցրեք ցիտրուսային մրգեր և հատապտուղներ:
Վիտամին E․ սրա պակասի դեպքում եղունգները դառնում են չոր և անգույն: Այս վիտամինն առկա է ընկուզեղենում, բուսական յուղերում:
Վիտամին D․ պատասխանատու է ամրության և կալցիումի նորմալ յուրացման համար: Այս արևային վիտամինը ստանակու համար հաճախ դրսում եկեք:
.100 գ ձիթապտղի յուղ՝ տաքացրած մինչև 40 աստիճան, ավելացնել մեկ թեյի գդալ կիտրոնի թարմ հյութ: Լավ խառնել, ստացված խառնուրդի մեջ դնել մատները 20 րոպե, այնպես որ եղունգները ամբողջովին ընկղմվեն: Հետո եղունգները սրբել խոնավ անձեռոցիկով:
Ձմռանը ձեռքերի խնամքի համար օգտագործեք.
Ձմռանը ձեռքերի խնամքի համար օգտագործեք խիտ բաղադրություն ունեցող յուղեր: Օրինակ կոկոսի: Այն շատ լավ սնուցում է մաշկը:
Եթե ձեռքերի վրա ճաքեր են առաջանում, մերսող շարժումներով քսեք ձիթապտղի գոլ ձեթ, հագեք ձեռնոցներ և թողեք այդպես 1.5 ժամով: Ձեռնոցները հանելուց հետո ցանկալի է ձեռքերը չլվանալ, այլ սրբել անձեռոցիկով:
Շաբաթական մեկ անգամ ձեռքերի համար կատարեքք 10 րոպեանոց ջրային պրոցեդուրաներ՝ ծովի աղով կամ բույսերով: Պրոցեդուրայից հետո քսեք սնուցող կրեմ:
Չոր և անհարթ մաշկի դեպքում քսեք մեղրով պատրաստված դիմակ: Խառնեք մեկ թեյի գդալ մեղր, մեկ ճաշի գդալ կաթ, մեկ ճաշի գդալ ձիթապտուղի ձեթ, այնուհետև ավելացրեք 3 ճաշի գդալ վարսակի ալյուր և խառնեք: Դիմակից հետո հագեք բամբակից ձեռնոցներ: