ԾԵՐԱՑՈՂ ՄԱՇԿԻ ԽՆԱՄՔ
Դեմքի ծերանալը բնական երևույթ է, որը կապված է օրգանիզմի ֆիզիոլոգիական վիճակի հետ: Ծերանալու հետ օրգանիզմում սկսվում են անդառնալի փոփոխություններ, որոնք ուղեկցվում են այսպես կոչված մաշկի ծերունական ապաճմամբ:
Ժառանգականությունը կարևոր դեր է խաղում ապաճման ժամանակից շուտ կամ ուշ սկսվելու գործում: Էական նշանակություն ունեն ապրելակերպը և մաշկի ժամանակին և ճիշտ խնամքը:
Մաշկի թոռոմելու նշաններն ամենից առաջ հայտնվում են դեմքի և պարանոցի վրա, քանի- որ դրանց վրա ազդում են միջավայրի կողմնակի գործոնները`արևը, քամին, ցուրտը, կոսմետիկական միջոցներից սխալ օգտվելը: Մաշկի ժամանակից շուտ ծերանալու գործում մեծ դեր են խաղում տարբեր օրգան համակարգերի բորբոքային հիվանդությունները, նյութափոխանակության խանգարումը, սննդի մեջ վիտանինների և սպիտակուցների անբավարարությունը, անքնությունը, ծխելը, ալկոհոլի չարաշահումը և այլն: Մաշկի ծերացման հետ փոխվում է մաշկի գույնը, հաստությունը, ողորկությունը, խոնավությունը:Շատ տաք կամ սառը, կծու, աղի, թթու ուտելիքները, ինչպես նաև ծխելը և ալկոհոլի չարաշահումը վնասում են օրգանիզմի աղեստամոքսային, սիրտանոթային և նյարդային համակարգերը, որոնք նպաստում են մաշկի ծերացմանը: Ծերացման ընթացքը դանդաղեցնելու համար անհրաժեշտ է օգտագործել վիտամիններով , սպիտակուցներով և հանքայի աղերով հարուստ սնունդ, բանջարեղեն, մրգեր, կաթնամթերք:
Դեմքի կոսմետիկական թերությունները կարող են պայմանավորված լինել մարսողական համակարգի խանգարմամբ և երկար տարիների փորկապությամբ:
Սկսվող ծերացման պրոցեսը դանդաղեցելու, մաշկին իր կորցրած հատկությունները վերադարձնելու համար անհրաժեշտ է դիմել կոսմետիկական միջոցների օգնությանը:
Ծերացող, ջրազրկված և չոր մաշկի համար օգտակար է հալվեից պատրաստված լոսյոնը: Այս լոսյոնը պարունակում է շատ եթերային յուղեր, վիտամիններ և ֆերմենտներ: Պատրաստման համար անհրաժեշտ է.- 100 գրամ հալվեի լվացված տերևները 15 օր պահել սառնարանում: Դրանից հետո տերևները նորից լվանալ, մանրացնել, վրան լցնել 1-2 լիտր սառը ջուր և թողնել 2 ժամ: Խառնուրդը դնել կրակին, եփել 5 րոպե, սառեցնել, քամել: Այս լուծույթով շաբաթը 3 անգամ դեմքին թրջոց դնել 10 րոպե տևողությամբ, որից հետո խոնավ մաշկին քսել սնուցող կրեմ:
Շաբաթը 2-3 անգամ դեմքի և պարանոցի համար կարելի է պատրաստել սնուցող դիմակակներ, օգտագործելով` դեղնուց, բուսական յուղ, մայոնեզ,մեղր և որևէ մրգահյութ:
Ապրեք առողջ…