Միկրոալիքային սարքերի վտանգավորությունը
Կենցաղը դյուրին դարձնող սարքերը հաճախ օգտակարությունից զատ` նաև վտանգ են ներկայացնում մարդու առողջության համար: Հաճախ է խոսվում միկրոալիքային վառարանի՝ (ՄԱՎ) վտանգավորության մասին: Կարծիքները տարբեր են:
Միկրոալիքային վառարանում մթերքի տաքացումն իրականանում է միկրոալիքային ճառագայթման շնորհիվ: Միկրոալիքները բարձր հաճախականության էլեկտրամագնիսական ճառագայթում են: Նրանք հաճախականությամբ և միջակայքերով մոտ են տեղեկատվության փոխանցման և կապի սարքերին (բջջային հեռախոսներ, Bluetooth և այլն):
ՄԱ վառարանը կազմված է բարձր լարման տրանսֆորմատորից (ստեղծում է բարձր լարում), մագնետրոնից (էլեկտրաէներգիան վերածում է գերբարձր հաճախականության էլեկտրամագնիսական դաշտի) և ղեկավարման համակարգից:
Կարծիք կա, որ.
- ՄԱՎ-ի ճառագայթումը թափանցում է օրգանիզմ և բացասաբար ազդում բջիջների ու հյուսվածքների վրա,
- էլեկտրաէներգիայով աշխատող ամբողջ կենցաղային տեխնիկան իր շուրջը ստեղծում է էլեկտրամագնիսական տոքսիկ դաշտ, որի հաճախականությունը մոտավորապես 60 Գց է,
- ՄԱՎ տաքացվող մթերքը բարձրացնում է խոլեսթերինի քանակը և նպաստում արյան սպիտակ գնդիկների պակասելուն:
Իհարկե, ՄԱՎ-ն ունի նաև դրական կողմեր.
- կոմպակտ է,
- մթերքը տաքացնելիս յուղի կարիք չկա,
- վիտամինները չեն քայքայվում,
- արագ հալեցնում է մթերքը:
Սակայն բացասական ազդեցությունը մտածելու տեղիք է տալիս: Առկա է վնասակար ճառագայթում, բացի այդ, կերակուրը կորցնում է իր համային որակը և բույրը: Նվազում է վիտամին B12-ի քանակը, որը խիստ կարևոր է նյարդային համակարգի համար: Օրինակ, կրծքի կաթը տաքացնելիս քայքայվում են ֆերմենտները, նվազում է հակամարմինների քանակը, որոնք պաշտպանում են փոքրիկին` վարակներին:
ՄԱՎ-ը հատկապես վտանգավոր է թույլ դիմադրողականությամբ, ուռուցքային հիվանդություն, կատարակտ, մարսողական համակարգի խնդիրներ ունեցողների համար:
ՄԱՎ-ի երկարատև օգտագործումը կարող է նպաստել մազաթափության, եղունգների փխրունության, անքնության, գաստրիտի, նաև վերարտադրողականության վրա:
Հնարավո՞ր է նվազեցնել ՄԱՎ-ի վտանգավորությունը:
Եթե, այնուամենայնիվ, կենցաղում կիրառում եք ՄԱՎ, անհրաժեշտ է հետևել մի քանի ցուցումների.
- սարքը տեղադրել 90-95 սմ բարձրության վրա,
- չարգելափակել օդափոխման համակարգը,
- առանց մթերքի չմիացնել,
- վառարանի մեջ մետաղյա տարա չտեղադրել,
- օգտագործել միայն ՄԱՎ-ի համար նախատեսված ամանեղեն:
Սկզբնաղբյուր. armeniamedicalcenter.am