Ո՞ւմ է տրվում հաշմանդամության աշխատանքային կենսաթոշակ, և ո՞վ իրավունք ունի ստանալ հաշմանդամության նպաստ
Եթե քաղաքացին ունի հաշմանդամության խումբ և տվյալ տարիքային խմբի համար օրենքով պահանջվող աշխատանքային ստաժ (օրացուցային տարիներով), ապա կարող է դիմել հաշմանդամության աշխատանքային կենսաթոշակի նշանակման համար։
Այս դեպքում, հաշմանդամության աշխատանքային ստաժը հաշվարկվում է օրենքով սահմանված կարգով՝ ըստ քաղաքացու ունեցած աշխատանքային ստաժի։ Առաջին խմբի համար տրվում է հավելում՝ հիմնական կենսաթոշակի 40%-ի չափով, երկրորդ խմբի դեպքում՝ 20%-ի չափով։
| Տարիքային խումբը | Աշխատանքային ստաժը` օրացուցային տարիներով |
| մինչև 23 | 2 տարի |
| 23-ից մինչև 26 | 3 տարի |
| 26-ից մինչև 29 | 4 տարի |
| 29-ից մինչև 32 | 5 տարի |
| 32-ից մինչև 35 | 6 տարի |
| 35-ից մինչև 38 | 7 տարի |
| 38-ից մինչև 41 | 8 տարի |
| 41-ից մինչև 44 | 9 տարի |
| 44-ից բարձր | 10 տարի |
Եթե քաղաքացին չունի համապատասխան աշխատանքային ստաժ և սահմանված է հաշմանդամության խումբ, ապա կարող է դիմել հաշմանդամության նպաստի նշանակման համար։
2021 թ․ հունվարի 1-ից հաշմանդամության նպաստի չափը կազմում է 26,500 դրամ։
Հաշմանդամության կենսաթոշակի կամ նպաստի նշանակման համար քաղաքացին կարող է դիմել Միասնական սոցիալական ծառայության տարածքային բաժին՝ ներկայացնելով անձնագիր, ՀԾՀ, աշխատանքային ստաժը հաստատող փաստաթուղթ, ԲՍՓՀ տեղեկանք, լուսանկար:
