«Ուրալյան ավիաուղիների» ինքնաթիռում երեխա է ծնվել
«Ուրալյան ավիաուղիների» ինքնաթիռում աղջիկ է ծնվել։ Այս մասին ասվում է ավիաընկերության Telegram-ի ալիքում։
Ավիաընկերությունը նշում է, որ այդ անսպասելի իրադարձությունը տեղի է ունեցել Ժուկովսկի-Խուջանդ չվերթի ժամանակ։
«Օդ բարձրանալուց հետո ուղեւորուհին որովայնի ցավեր է զգացել, ինչի մասին հայտնել է անձնակազմին։ Ավագ բորտուղեկցորդուհին դիմել է ուղեւորներին՝ խնդրելով արձագանքել բժիշկներին։
Ասես կախարդանքով օդանավում հայտնվել է գրեթե լիարժեք ծննդատուն՝ նեոնատոլոգ, երկու բուժքույր մանկաբարձուհի եւ նույնիսկ բժիշկ-ռադիոլոգ։ Բուժանձնակազմը գնահատել է իրավիճակը եւ համաձայնեցրել գործողությունների ընթացքը։ Օդանավի հրամանատարը ճշտել է, թե արդյոք անհրաժեշտ է արտակարգ վայրէջք կատարել։ Բժիշկները վստահեցրել են, որ ոչ, եւ մեկ ժամ անց երեխան արդեն լույս աշխարհ է եկել։
Աղջիկը ծնվել է առողջ (հասակը 46 սմ, քաշը 2600 գ):