«05.05» ամսաթիվը խորհրդանշում է մարդու յուրաքանչյուր ձեռքի 5 մատը
«05.05» ամսաթիվը խորհրդանշում է մարդու յուրաքանչյուր ձեռքի 5 մատը:
Առողջապահության համաշխարհային կազմակերպության այս տարվա կարգախոսն է՝ «Մշակե՛ք ձեռքերը, փրկե՛ք կյանքեր»:
Անձնական հիգիենայի պահպանումը, մասնավորապես` ձեռքերը լվանալու և ախտահանելու կարևորությունը, վարակիչ հիվանդությունների կանխարգելման հիմնական միջոցառումներից է:
Ձեռքերի հիգիենան արդիական խնդիր է աշխարհի բոլոր երկրների առողջապահության համակարգերում: Առողջապահության համաշխարհային կազմակերպության տվյալների համաձայն՝ ամբողջ աշխարհում տարեկան արձանագրվում է բժշկական միջամտություններով պայմանավորված վարակների միլիոնավոր դեպքեր, որոնց 40-80%-ը փոխանցվում է ձեռքերի միջոցով: Այդ պատճառով էլ ձեռքերի հիգիենայի կանոնների պատշաճ պահպանումը բուժաշխատողների և պացիենտների անվտանգության գրավականն է:
Այնպիսի պարզ հիգիենիկ գործընթացը, ինչպիսին ձեռքերի լվացումն ու ախտահանումն է, օրական փրկում է հազարավոր կյանքեր: Այն ոչ միայն կանխարգելում է մի շարք հիվանդություններ, այլև մեր կյանքը դարձնում է առավել հարմարավետ, հաճելի և անվնաս:
Պահպանե՛ք ձեռքերի հիգիենայի կանոնները:
