Ինչպե՞ս նախապատրաստվել պրոլակտին հորմոնի հետազոտությանը

Պրոլակտինի քանակի որոշման համար արյան նմուշառման նախորդ օրը (հետազոտությունից մեկ օր առաջ) պետք է բացառել .

• կրծքագեղձի հետազոտությունը

• կրծքագեղձի վնասվածքները

• գինեկոլոգիական հետազոտությունը

• սեռական հարաբերությունը

• մարմնի վրա բարձր ջերմային ազդեցությունները  (շոգեբաղնիք և այլն)

• ֆիզիկական վարժությունները

• սթրեսը

• ալկոհոլը և ճարպային սնունդը, ինչպես նաև

• չծխել թեսթը հանձնելուց առաջ նվազագույնը 1 ժամվա ընթացքում:

Արյան նմուշառումն իրականացվում է առավոտյան, սոված վիճակում (նախորդ սննդի ընդունումից ոչ պակաս, քան 8-10 ժամ հետո), նստած կամ պառկած դիրքում, ֆիզիոլոգիապես հանգիստ վիճակում: Արյան նմուշառումից առաջ պացիենտը պետք է հանգստանա նվազագույնը 15 րոպե:

Կանանց մոտ պրոլակտինի արտադրությունը կարող է տատանվել դաշտանային ցիկլի ընթացքում։ Սակայն այս պահին բարձր ապացուցողական արժեք ունեցող հետազոտություններից ստացված արդյունքների հիման վրա հստակ ձևակերպված խորհուրդ, որը վերաբերում է դաշտանային պարբերաշրջանի կոնկրետ օրերին թեսթի անցկացմանը բացակայում է։ Ուստի կլինիկական պրակտիկայում ընդունված է այն հանձնել մյուս հորմոնների հետ միաժամանակ հանձնելիս, այն է դաշտանային պարբերաշրջանի 3-5 օրերի ընթացքում։

Նյութը ` Մանկաբարձ –գինեկոլոգ Գայանե Պարգևի  Սահակյան

Խորհրդատվության և հերթագրման համար `

TempusMed Clinic

Ք. Երևան, Ամիրյան 3-20

Հեռ 093706666