Մարտի 24 ը տուբերկուլոզի դեմ պայքարի համաշխարհային օրն է

1993 թվականից ի վեր Առողջապահության համաշխարհային կազմակերպության որոշմամբ, այս օրը նշվում է տուբերկուլոզի դեմ պայքարի օր:

Այս տարի 2025 թվականի տուբերկուլյոզի դեմ պայքարի օրը ԱՀԿ-ն նշում հետևյալ թեմայի ներքո `

Այո՛, մենք կարող ենք դադարեցնել տուբերկուլոզը. Հանձնառություն, Ներդրում, Արդյունքի Ապահովում- սա հույսի, անհապաղ գործողությունների և պատասխանատվության համարձակ կոչ է:

Հանձնառություն – Համաշխարհային առաջնորդները պարտավորվել են արագացնել տուբերկուլոզի վերացման ջանքերը:

Ներդրում – Առանց բավարար ֆինանսավորման՝ տուբերկուլոզը հնարավոր չէ հաղթահարել։

Ապահովել արդյունք – Պետք է ընդլայնել ԱՀԿ-ի առաջարկած արդյունավետ միջամտությունները՝ վաղ հայտնաբերում, ախտորոշում, կանխարգելիչ բուժում, բարձրորակ խնամք՝ հատկապես դեղակայուն տուբերկուլոզի դեպքում:

Մի քանի փաստեր`

Տուբերկուլոզը դեռ շարունակում է մնալ աշխարհի ամենամահաբեր վարակիչ հիվանդություններից մեկը

Ամեն տարի տուբերկուլոզով հիվանդանում է շուրջ 10,8 միլիոն մարդ (2023)

Տուբերկուլոզը խլում է 1,25 միլիոն մարդու կյանք (2023)

Գլոբալ ջանքերի շնորհիվ 2000 թվականից ի վեր փրկվել է 75 միլիոն կյանք

Համաճարակաբանական իրավիճակը Հայաստանում:

2015-ի համեմատ 2024-ին հիվանդացությունն նվազել է 66%-ով, մահացությունը՝ 50%-ով

Չնայած այս դրական արդյունքների՝ դեռ մարտահրավեր են մնում վաղ հայտնաբերումը` հատկապես ռիսկային խմբերում (միգրանտներ և այլ խոցելի խմբեր) ,կանխարգելումը, մանկական տուբերկուլոզը, դեղակայուն ձևերի տարածվածությունը, արդյունավետ նոր կարճաժամկետ բուժումների ներդրումները, ՏԲ/ՄԻԱՎ համակցված դեպքեր արդյունավետ կառավարումը , խարանի հաղթահարումը։

Համագործակցությունը՝ հաջողության բանալին է:

Տուբերկուլոզ հիվանդության վրա ազդեղություն ունեն նաև վատ կենսապայմանները, թերսնուցման և սոցիալ-հոգեբանական դժվարությունները: Միայն առողջապահական և ոչ առողջապահական ոլորտների, քաղաքացիական հասարակության ու համայնքների համատեղ ջանքերով կարող ենք վերցանել տուբերկուլոզը:

Տուբերկուլոզը օդային ուղիով փոխանցվող վարակիչ հիվանդություն է: Եթե ունեք այս ախտանշանները՝

• Երկու շաբաթ և ավել տևողությամբ հազ

• Խորխարտադրություն, թուլություն

• Ախորժակի կորուստ, քաշի անկում

• Գիշերային քրտնարտադրություն, ջերմություն

դիմե՛ք առաջնային բուժօգնություն իրականացնող բժշկական կազմակերպություններ ,որտեղ ընտանեկան բժիշկները կամ թերապևտները կանցկացնեն առաջնային զննում, անհրաժեշտության դեպքում կուղեգրեն մասնագիտական կենտրոն։

Հիշե՛ք տուբերկուլոզը բուժելի հիվանդություն է:

Հայաստանում տուբերկուլոզի ախտորոշումն ու բուժումը ամբողջությամբ անվճար է՝ պետական պատվերի շրջանակում:

ՀՀ ԱՆ «Թոքաբանության ազգային կենտրոնը» համարվում է մեր երկրի միակ տուբերկուլոզային կենտրոնը, որտեղ իրականացվում են ճշգրիտ, ժամանակակից մեթոդներով ախտորոշում, ուղեցույցներին համապատասխան բուժում:

Այո՛, մենք կարող ենք դադարեցնել տուբերկուլոզը՝ Հանձնառությամբ, Ներդրումներով և Ապահովելով արդյունք