6 խորհուրդ օծանելիքը կիրառելիս
Եթե քեզ համար էլ աշունը, վանիլը, նարդոսը (лаванда), տաք հացը, անձրևն ու սիրելի մարդիկ հենց հիմա ասոցացվեցին տարատեսակ հարազատ կամ օտար բույրերի հետ, բարի գալուստ ակումբ: Իրականում, որքան էլ տարօրինակ թվա, մեր ուղեղի նյարդային հյուսվածքներն ունակ են մեր «հիշողության բանկերում» պահել և պետք եկած ժամանակ «ակտիվացնել» այն բույրերը, որոնք մեզ ծանոթ են: Հենց այս պատճառով է, որ հաճախ մեզ մոտ կայծակնային «հարվածի» պես զարթնում է որևէ հիշողություն վարդի, նոր թխած կարկանդակի կամ հնության բույրը շնչելիս:
Ինչպես հասկացար, այսօր խոսելու ենք օծանելիքից, բույրերից և ուսումնասիրելու ենք ամենատարօրինակ, հետաքրաքիր ու քիչ հայտնի փաստերը մեր առօրյայի անբաժան մաս դարձած այս հայտնագործության մասին:
Մի քիչ պատմական…
Առաջին օծանելիքները «հայտնագործվել են» Կիպրոս կղզու վրա՝ մոտ 4000 տարի առաջ, սակայն եգիպտացիներն էին, որ 3000 տարի առաջ օծանելիքը վերածեցին մշակույթի, և մեզ հասած օծանելիքները հենց այդ նախատիպն ունեն:
Perfume բառը ծագում է լատիներեն «per fumus» բառից, որը նշանակում է «ծխի միջով»: Երբ մարդն առաջին անգամ հայտնաբերեց բույրը, նա օգտագործեց այն որպես ընծա Աստվածներին` այրելով անուշաբույր մաստակներ զոհասեղանների վրա: Հենց այսպես էլ առաջացավ perfume գաղափարն ու բառը:
Ստորև կտեսնես աշխարհի ամենաթանկ օծանելիքների տասնյակը: Գուցե արժե՞ գտնել ու շնչել այս բույրերը:
- JAR Bolt of Lightning
- Joy by Jean Patou
- Caron Poivre
- Hermes 24 Faubourg
- Clive Christian No.1
- Chanel Grand Extract
- Baccarat Les Larmes Sacree de Thebes
- Clive Christian No.1 Imperial Majesty
- DKNY Golden Delicious
- Shumuk
Գնանք ուսումնասիրելու ամենատարօրինակ փաստերը օծանելիքների մասին: Վատահ եղիր` արդյո՞ք շարունակելու ես օգտագործել սիրելի բույրը, անգամ երբ իմանաս դրա բաղադրությունը: Բաղադրիչներ, որ չարժեր տեսնել օծանելիքի տուփի վրա` փոքրիկ կրծողների կղանք, կենդանական գեղձեր և մի շարք այլ բաղադրիչներ, որոնք դառնում են ձեր սիրելի օծանելիքի մի մասը:
Հիմա մի քանի պարզ կանոն` օծանելիքի ճիշտ օգտագործման և ավելի արդյունավետ կիրառման համար:
🔹 Այն տարածքը, որտեղ պետք է օգտագործեք օծանելիքը, նախապես խոնավեցնելը պարտադիր է։ Օծանելիքը արագ է բացվում, երբ կիրառվում է խոնավ մաշկի վրա, և խոնավացած մաշկը ավելի երկար է պահում բույրը:
🔹 Օծանելիքը հիանալի լուծում չէ մազերի համար: Օծանելիքի թեկուզ մի քանի գրամ պարունակության մեջ կա ալկոհոլ, որի հաճախակի օգտագործումը կարող է հանգեցնել մազերի չորության:
🔹 Եթե դու սովորություն ունես օծանելիքը ցողելուց հետո դաստակները միմյանց հպել, իմացիր, որ դրա հետևանքով առաջացած շփումը մեծացնում է բույրի փոխազդեցությունը մաշկի բնական յուղայնության հետ, ինչը կարող է ի վերջո աղավաղել բույրը:
🔹 Դու կարող ես առավելագույնի հասցնել օծանելիքի հոտը: Բուրմունքն ամբողջ մարմնով ցողելու փոխարեն, ցողիր բույրը մարմնի որոշակի հատվածներին կամ զարկերակային կետերին: Զարկերակային կետերը մարմնի այն վայրերն են, որտեղ արյան անոթները ամենամոտ են մաշկին:
🔹 Նույն բույրը կարող է տարբեր լինել երկու անհատների մարմնի վրա, քանի որ միախառնվում է մաշկի քիմիական կազմի հետ: Քրտինքը, շրջակա միջավայրը և նույնիսկ սննդակարգը կարող են մեծ դեր խաղալ օծանելիքի տարածման և մաշկի «յուրացման» մեջ:
🔹 Օծանելիքներն այսօր իսկական ծաղիկներով չեն պատրաստվում։ Օծանելիքի զանգվածային արտադրության պատճառով իսկական ծաղկային բույրերի օգտագործումը փոխարինվում է «սինթետիկ» բուրմունքներով:
Շքեղ բույրերի աշխարհում, բնականաբար բարդ է կողմնորոշվել` ո՞րն ընտրել ու ո՞րն է ամենահամապատասխանը մեր մաշկին ու էությանը:
Նյութը ՝ www.yerevanmall.am
