Ալյասկայում լուսանկարիչը ֆիքսել է բևեռային արջի և նրա ձագի մտերմության պահը
ԱՄՆ Ալյասկա նահանգում լուսանկարիչը ֆիքսել է բևեռային արջի և նրա ձագի մտերմության պահը: Համացանցում լայն տարածում գտած լուսանկարներին անդրադարձել է Daily Mail պարբերականը:
Կանադայից 36-ամյա լուսանկարիչ Բրենդ Բեդին Բոֆորտի ծովում նավակից է կարողացել ֆիքսել այս տեսարժան պահերը: Լուսանկարում բևեռային արջի ձագը խաղում է մոր հետ, որն էլ համբերատար տանում է նրա չարաճճիությունները:
Բեդին սիրում է տարվա մեջ հինգ ամիս ճանապարհորդել, բացահայտել շրջապատն ու լուսանկարներ անել: Բևեռային արջերին հետևելը լուսանկարչի նպատակներից ամենակարևորն է եղել, ուստի դրա իրականացման համար սկսել է կատարյալ վայր փնտրել:
Երկար փնտրտուքներից հետո նրան հաջողվել է Բոֆորտի ծովում հանդիպել այս արջերին, որոնց նավակի միջոցով շատ մոտենալու շնորհիվ կարողացել է կյանքով լի պատկերներ ստանալ:
Տեսանյութն` այստեղ:
