Ինչու՞ առավոտն արժե սկսել սուրճով
Անկասկած, սուրճի կարևորագույն առանձնահատկություններից է նաև վերջինիս համը և բույրը: Այն հուզում է, գրգռում և առաջացնում է անկրկնելի զգացողություններ: Ի դեպ, սուրճի սիրահարները խորհուրդ են տալիս սուրճ խմելուց առաջ ըմպել մի կում սառը ջուր և հետո միայն սուրճ: Այդպիսով, սուրճի համը առավել լավ է զգացվում, իսկ խմելուց հետո ավելի երկար է պահպանվում
Թարմ պատրաստված սուրճը կարող է լայնացնել արյունատար անոթները, մեծացնել մկանների աշխատունակությունը, ինչպես նաև ուժեղացնել արյան հոսքը դեպի գլխուղեղ: Այդ է պատճառը, որ գիտնականները խորհուրդ են տալիս գլխացավի ժամանակ խմել մի բաժակ սուրճ, քանզի ցավային զգացողությունները զգալիորեն թուլանում կամ բոլորովին անհետանում են:
