Համաշխարհային բանկը կորոնավիրուսի դեմ պայքարի համար 12 մլրդ դոլար կտրամադրի
Համաշխարհային բանկը երեքշաբթի հայտարարել է, որ կորոնավիրուսի համաճարակի դեմ պայքարի շրջանակում որպես նախնական ներդրում 12 մլրդ դոլար կհատկացնի, հայտնում է «ՌԻԱ Նովոստի» գործակալությունը:
«COVID-19-ի դեմ պայքարի համար նախատեսված փաթեթը ներառում է 12 մլրդ դոլար գումարի չափով ֆինանսավորում, որից 8 մլրդը կբաշխվի արագացված տեմպերով»,- ասվում է բանկի հայտարարությունում:
Նշվում է, որ Համաշխարհային բանկը զարգացող երկրներին կօգնի «ամրապնդել առողջապահական համակարգը, ինչպես նաև մարդկանց համաճարակից պաշտպանելու նպատակով բարելավել բժշկական ծառայությունների հասանելիությունը, ուժեղացնել հիվանդությունների նկատմամաբ վերահսկողությունը և այլն»:
Օգնությունը կտրամադրվի Համաշխարհային բանկի կազմակերպությունների` Զարգացման միջազգային ասոցիացիայի, Վերակառուցման և զարգացման միջազգային բանկի և Միջազգային ֆինանսական կորպորացիայի միջոցով:
ԱՀԿ վերջին տվյալների համաձայն` ամբողջ աշխարհում հաստատվել է COVID-19 վարակման 90 983 դեպք, որից 3110-ը` մահվան ելքով: Վերջին 24 ժամվա ընթացքում Չինաստանը հայտնել է վարակման 129 դեպքի մասին, ինչը հունվարի 20-ից հետո ամենացածր թիվն է:
Չինաստանի սահմաններից դուրս 48 երկրներից հայտարարել են վարակման 1848 դեպքի մասին, որից 80 տոկոսը Հարավային Կորեսայից, Իրանի Իսլամական Հանրապետությունց և Իտալիայից են:
12 երկրներ հայտնել են վարկման առաջին դեպքերի մասին, ինչպես նաև 21 երկրում կա վարակման ընդամենը մեկ դեպք:
Կորոնավիրուս չի գրանցվել 122 երկրում:
