Հայտարարություն:Գիտա-կրթական համաժողով «Եվրոպա Դոննա» կրծքագեղձի քաղցկեղի կոալիցիայի հայաստանյան ներկայացուցչության կողմից
Սույն թվականի հուլիսի 1-ին Էլիտ Պլազա Բիզնես Կենտրոնի կոնֆերանսների դահլիճում տեղի կունենա «Առողջությանն ընդառաջ» գիտա-կրթական համաժողովը` կազմակերպված «Եվրոպա Դոննա» կրծքագեղձի քաղցկեղի կոալիցիայի հայաստանյան ներկայացուցչության կողմից:
Համաժողովի նպատակն է բարձրացնել ուռուցքաբանների, արյունաբանների, առողջապահության կազմակերպիչների իրազեկվածությունը քաղցկեղի բուժման արդի մոտեցումների, քաղցկեղի բուժման գործընթացում էթիկական խնդիրների վերաբերյալ:
Համաժողովի ծրագրում ընդգրկված են քաղցկեղի ախտորոշման, բուժման արդի մոտեցումներին նվիրված դասախոսություններ ու զեկույցներ, ուշագրավ գիտական նորույթներ:
Համաժողովը տեղի է ունենալու «Արյունաբանության և ուռուցքաբանության հայկական ասոցիացիայի» աջակցությամբ:
Համաժողովը համախմբելու է արյունաբանների, ուռուցքաբանների, թերապևտների, ընտանեկան բժիշկների, առողջապահության կազմակերպիչների, բժշկական էթիկայի մասնագետների:
Համաժողովի ծրագիրը ներկայացված է շարունակական մասնագիտական զարգացման կրեդիտավորման:
