Շոկոլադը պաշտպանում է գլխուղեղի կաթվածից. հետազոտություն
Գիտնականները պարզել են, որ շոկոլադն ամրապնդում է անոթներն ու պաշտպանում է գլխուղեղի կաթվածից: Ընդ որում՝ մասնագետները նշում են, որ նշանակություն չունի, թե մարդն ինչ շոկոլադ է նախընտրում՝ սև, կաթնային թե սպիտակ:Այս մասին հաղորդում է tert.am-ը:
Սննդաբանների խոսքով՝ շոկոլադ ուտելու ցանկությունը ոչ թե կամակորություն է, այլ հոգեֆիզիոլոգիական խնդիր: Կենսաքիմիկոսները նշում են, որ շոկոլադի մոլեկուլները ստիպում են օրգանիզմին արտադրել հաճույքի համար պատասխանատու մոլեկուլներ, որոնք իրենց ազդեցությամբ նման են թմրանյութերին:
Ուսումնասիրությունները ցույց են տվել, որ շոկոլադը կարող է կախվածություն առաջացնել: Ընդ որում՝ այն ավելի ուժեղ է ազդում կանանց վրա: Սակայն այդ կախվածությունը բավական թույլ է, ուստի վտանգավոր չէ: Այս դեպքում միակ վտանգը քաշի ավելացման հավանականությունն է:
Սակայն միևնույն ժամանակ շոկոլադ օգտագործող մարդիկ 30%-ով քիչ են բախվում սրտի հետ կապված խնդիրներին և 25%-ով քիչ՝ գլխուղեղի կաթվածին:
Նյութի աղբյուրը՝ tert.am