Դիմակներ մազերի խնամքի համար
Եթե մազերը դժվարությամբ են սանրվում ու կորցրել են փայլն ու ծավալը, ապա կարող եք սնուցել դրանք դեղնուցային քսուքով. 1 դեղնուցը հարել զեյթունի ձեթի հետ այնքան, որ ստացվի թանձր զանգված, ապա քսել խոնավ մազերին, պոլիէթիլենե տոպրակ հագցնել գլխին ու վրայից սրբիչ փաթաթել` տաքության համար: 1 ժամից կարելի է լվանալ: Այս միջոցը կարող եք կիրառել շաբաթական մեկ անգամ:
Դեղնուցով և մեղրով դիմակ
Անհրաժեշտ է խառնել 2 ձվի դեղնուցները 1 ճաշի գդալ մեղրով: Կարևոր է հիշել, որ դիմակն անհրաժեշտ է մաքրել միայն սառը ջրով, այլապես դեղնուցը կմակարդվի, և այնքան էլ հեշտ չի լինի այն մաքրել մազերից:
Խմորիչով դիմակ
Խմորիչն իսկապես օգտակար է մազերի համար, քանի որ այն հարուստ է բազմաթիվ միկրոէլեմենտներով՝ ցինկ, երկաթ, կալցիում, B, D, PP խմբի վիտամիններ: Խմորիչը լուծեք կեֆիրով, խառնեք այնքան, մինչև խյուսանման զանգված ստանաք, քսեք մազերին և գլխամաշկին:
Դիմակ՝ ժելատինով
Ամենաարագ և տնտեսող դիմակներից մեկն է, որը վերականգնում է մազերն ու փայլ հաղորդում դրանց: 2 ճաշի գդալ ժելատինի վրա տաք ջուր լցրեք և թողեք մնա մի փոքր, ապա տաքացրեք ջրի գոլորշու վրա՝ մինչև ժելատինն ամբողջովին լուծվի, թողեք մի փոքր սառչի, ավելացրեք ձվի դեղնուց և քսեք մազերի երկայնքով:
Բանանի դիմակ
Բանանը հարուստ է կալիումով, B խմբի վիտամիններով, որոնք անհրաժեշտ են մազերին: Այս դիմակը շատ հեշտ է պատրաստվում: Տրորեք մեկ բանանը, ավելացրեք մեկ գդալ կոկոսի յուղ, քսեք մազերին և գլխամաշկին: Ադյունքը կնկատեք առաջին իսկ օգտագործումից հետո: