93 просмотры

ԱՄՆ սննդամթերքի եւ դեղորայքի վարչությունը (US FDA) ապրիլի 30-ին հրապարակել է հայտարարություն, ըստ որի՝ թույլ կտա Ֆիլիպ Մորրիս ընկերությանը Միացյալ Նահանգներում վաճառել IQOS ծխախոտի տաքացման համակարգը: FDA-ը ուսումնասիրել է Ֆիլիպ Մորրիսի կողմից ներկայացված հայտը, վերանայել առկա գրականությունն ու այլ աղբյուրները, և գիտական գնահատման արդյունքում պարզել, որ IQOS ծխախոտի տաքացման համակարգի արտազատած գոլորշին պարունակում է ավելի քիչ թունավոր քիմիական նյութեր, քան սիգարետի ծուխը, իսկ հայտնաբերված վնասակար նյութերի մեծ մասը ավելի քիչ մակարդակով է առկա, քան սիգարետի ծխում: Օրինակ, IQOS-ի գոլորշու մեջ առկա ածխածնի մոնօքսիդի ազդեցությունը համեմատելի է շրջակա միջավայրում առկա ածխածնի մոնօքսիդի ազդեցության հետ, իսկ ակրոլեինի ու ֆորմալդեհիդի մակարդակները համապատասխանաբար 89%-ից մինչեւ 95% եւ 66%-ից մինչեւ 91% ավելի քիչ են, քան սիգարետի ծուխի մեջ։ Բացի այդ, IQOS-ը մարդու օրգանիզմ է մատակարարում գրեթե նույնքան նիկոտին, որքան սիգարետը, ինչը հավանական է դարձնում այն, որ IQOS-ի օգտատերերը կկարողանան ամբողջությամբ հրաժարվել սիգարետից ու անցնել միմիայն IQOS-ի օգտագործմանը: Վերջապես, առկա տվյալները, չնայած սահմանափակ են, բայց և այնպես մատնանշում են, որ մեծ չէ հավանականությունը, որ չծխողները՝ ներառյալ երիտասարդությունը, կսկսի IQOS օգտագործել։ Այդ հավանականությունը նվազագույնին հասցնելու նպատակով FDA-ը նաև արգելել է հեռուստատեսությամբ ու ռադիոյով արտադրանքը գովազդել, իսկ գովազդային այլ հարթակներում պահանջել է, որպեսզի գովազդը թիրախավորի միայն չափահասներին։ Նշենք, որ ԱՄՆ-ում արտադրանքի վաճառքի թույլատրություն ստանալու համար արտադրողները պետք է FDA-ին ցույց տան, որ, ի թիվս այլ բաների, նոր արտադրանքի շուկայավարումը համահունչ է հանրային առողջության պահպանմանը: Համաձայն դիմումի վերանայման գործընթացի, FDA-ը պետք է հաշվի առնի բոլոր ռիսկերն ու օգուտները ամբողջ բնակչության համար՝ ներառյալ թե՛ ծխողներին, թե՛ չծխողներին։ Կարևորագույն ներառում է նաև երիտասարդությունը։ Գնահատման գործընթացը ներառում է ծխախոտային արտադրանքի առողջական ռիսկերի, ինչպես նաև բաղադրիչների, հավելումների, արտադրության, փաթեթավորման ու պիտակավորման խստապահանջ ուսումնասիրություն: IQOS-ը գնահատելիս հաշվի է առնվել թե՛ այն հավանականությունը, որ ներկայիս ծխողները կարող են դադարեցնել սիգարետ ծխելը, և թե՛ այն, որ չծխողները կարող են սկսել ծխախոտային արտադրատեսակ օգտագործել։ FDA-ը շարունակում է ընկերության MRTP հայտի գիտական ուսումնասիրությունը: Ընկերությունը պետք է FDA-ից ստանա MRTP-ի թույլտվություն՝ նախքան IQOS-ը որպես սիգարետի համեմատ պակաս վնասակար դիրքավորելը: Նյութը՝ doctors.am