314 просмотры

Ամառը ոչ միայն հանգստի ու արձակուրդների շրջան է, այլ նաև ժամանակաշրջան, երբ օրգանիզմը կարող է ենթարկվել որոշակի սթրեսների՝ ջերմաստիճանի բարձրացման, ջրազրկման, վարակների և սննդային թունավորումների պատճառով։ Այդ իսկ պատճառով կան որոշակի լաբորատոր թեստեր, որոնք հատկապես նպատակահարմար են ամռանը։

1. Ընդհանուր արյան անալիզ (CBC) • Բացահայտում է վարակներ, սակավարյունություն, բորբոքումներ • Կարևոր է հատկապես ամռան ընթացքում տարածված վիրուսային վարակների կամ աղիքային խնդիրների ժամանակ • Տիպիկ նշաններ՝ գլխապտույտ, թուլություն, շոգի հանդեպ զգայունություն

2. Կենսաքիմիական անալիզներ a. Էլեկտրոլիտների մակարդակ (Na⁺, K⁺, Cl⁻) • Շոգ եղանակին քրտնարտադրությունը բարձր է, և օրգանիզմը կորցնում է նատրիում և կալիում։ • Էլեկտրոլիտների խանգարումները կարող են առաջացնել մկանային ցնցումներ, հյուծում կամ սրտային խնդիրներ։ b. Որիշ կենսաքիմիական ցուցանիշներ՝ • Որոտինային ֆունկցիա (UREA, CREATININE)՝ կարևոր է ջրազրկման հետևանքները գնահատելու համար • Լյարդի ֆունկցիոնալ թեստեր՝ տոքսինների կուտակում, սթրեսային վիճակներ

3. Աղիքային վարակների հայտնաբերում Ամռանը տարածված են սննդային վարակները, այդ թվում՝ սալմոնելլա, շիգելլա և E. coli: • Պետք է հանձնել մեզի և կղանքի մանրէաբանական մշակույթ • Երբեմն նշանակվում են նաև ֆեկալ կոպրոցիտոլոգիա կամ պարազիտոլոգիական հետազոտություններ

4. Վիտամին D մակարդակ Ամռանը արևի առկայությունը մեծ է, բայց նաև շատերն օգտագործում են արևապաշտպան քսուքներ կամ աշխատում են փակ տարածքներում։ • Վիտամին D-ի անբավարարությունը շարունակական խնդիր է՝ անկախ եղանակից • Կարող է ազդել ոսկրային առողջության, իմունիտետի և տրամադրության վրա

5. Միզուղիների վարակների անալիզներ Ջերմությունն ու հիգիենայի խախտումները նպաստում են միզուղիների վարակների տարածմանը, հատկապես կանանց և երեխաների մոտ։ • Ընդհանուր մեզի անալիզ • Մեզի մանրէաբանական մշակում (միզամշակում)

6. Ալերգոլոգիական անալիզներ • Ծաղկափոշիների ալերգիաները, արևային ալերգիաները և միջատների խայթոցների նկատմամբ ռեակցիաները հաճախանում են ամռանը • Թեստեր՝ ընդհանուր IgE, սպեցիֆիկ IgE ալերգենների հանդեպ ⸻ Կլինիկական ախտորոշիչ լաբորատորիայի ղեկավար, Արյունաբանական կետի պատասխանատու, Կլինիկական լաբորատոր ախտորոշման ամբիոնի ասիստենտ Գայանե Պետրոսյանը խոսքն ամփոփում է խորհուրդներով` • Եթե հաճախակի եք շփվում բաց ջրերում, ճանապարհորդում եք կամ ունեք քրոնիկ հիվանդություններ, անցեք նախարգելիչ ստուգումներ։ • Մի հանձնեք անալիզ շոգ եղանակին առանց բավարար ջրային բալանսի։ Դա կարող է խեղաթյուրել արդյունքները։ • Օգտագործեք լաբորատորիաներ, որոնք ունեն սերտ վերահսկում կենսանյութի պահման և մշակման պայմանների վրա։