75 просмотры

Երբեմն սնվելու հին, կարծրացած սովորույթները խոչընդոտում են քաշի իջեցմանը: Դրա համար բավական է փոխել միայն մի քանի սովորույթ: 1. Երբ կարգին սնվելու համար չկա ժամանակ։ Հազվադեպ միասին սնվելը սնվելու վատ սովորույթների ձևավորման պատճառներից մեկն է: Ուսումնասիրությունը ցույց է տալիս, որ ավելորդ քաշ ունեցող երեխաները իրենց սննդի մեծ մասն ընդունում են հեռուստացույցի առջև: Ի տարբերություն դրա, ովքեր նստում են ուտելու իրենց ծնողների հետ միասին, նախընտրում են ավելի շատ մրգեր և բանջարեղեններ, այդ պատճառով, նրանք ավելի հազվադեպ են գեր լինում: Ինչպես խուսափել դրանից: Նշանակեք ուտելու կանոնավոր ժամեր` ամբողջ ընտանիքի միասին սնվելու համար: Դա կարող է լինել ճաշը կամ ընթրիքը, երբ ուշ ժամի ընտանիքը վերադառնում է աշխատանքից կամ դպրոցից: Եթե Դուք, իսկապես, ժամանակ չունեք, օգտագործեք պատրաստի կիսաֆաբրիկատներ, ինչպիսիք են սառեցված մրգերը և բանջարեղենները, ապուրները, բանջարեղենային խառնուրդները, ձկան ֆիլեները և այլն: 2. Երբ ես լարված եմ, ես որևէ թխվածք եմ ուզում ուտել։ Թխվածքը, սպիտակ հացը, ռուլետները պարունակում են շատ ածխաջրեր և խթանում են սերոտոնինի արտադրությունը, որը պատասխանատու է բարձր հումորի և լավ տրամադրության համար: Ուտելով մի կտոր թխվածք, Դուք կարող եք ազատվել սթրեսից և զգալ որոշակի ժամանակավոր հանգստություն: Այդ պատճառով, երբեմն շատ դժվար է վերացնել այդ սովորույթը: Ինչպես խուսափել դրանից: Դրանով այդ պահին Դուք կարող եք պայքարել սթրեսի դեմ, սակայն այն վտանգավոր է Ձեր կազմվածքի համար: Սա բավական շուտ է սովորույթ դառնում: Թխված ռուլետ ուտելու փոխարեն, պատրաստեք առողջարար ճաշ: Երբ Դուք իսկապես լարված եք, ուտելու փոխարեն, գնացել 15 րոպեանոց զբոանքի: Շարժվելը նույնպես խթանում է սերատոնինի արտադրությունը: 3. Ցերեկվա ժամը 4-ին մոտ ես շոկոլադի պահանջ եմ զգում։ Սովորաբար կեսօրին մեր էներգիայի մակարդակը զգալիորեն իջնում է: Այդ պատճառով, Դուք կարծում եք, որ այն բարձրացնելու միակ եղանակը մի կտոր շոկոլադ ուտելն է: Ինչպես խուսափել դրանից: Ուտելու ցանկության դեմ պայքարը շատ անգամ ավարտվում է պարտությամբ. որքան երկար է այն տևում, այնքան մեծ է ձախողումը (մի կտորի փոխարեն Դուք ուտում եք կես շոկոլադե սալիկ): Կերեք ընդամենը երկու կամ երեք կտոր, նույնիսկ եթե ավելի շատ ուտելու ցանկություն ունեք: Դուք միանգամից բավարարված կզգաք: 4. Երեկոյան ես թեթև սնվում եմ։ Դուք երեկոյան ցանկանում եք հանգստանալ և ուտում եք չիփս կամ ընկույզ: Այդպիսի սնունդն ավելի շատ լիցքաթափվելու և սթրեսից ազատվելու, քան քաղցը բավարարելու համար է: Ինչպես խուսափել դրանից: Տանը մի պահեք չիփսեր, ընկուզեղեն կամ այլ կալորիական նախուտեստներ: Փորձեք վերջին սնունդն ընդունել երեկոյան ժամը 6.30-ին: Այս ժամից հետո նույնիսկ առողջ նախուտեստները կավելացնեն Ձեր մեջքի հաստությունը: Եվ պահպանեք հեռուստացույցի առջև չսնվելու կանոնը: 5. Հանգստյան օրերին ես ինձ ավելին եմ թույլ տալիս։ Դուք շեղվում եք Ձեր առօրյա ռեժիմից, այդ օրվա համար փոփոխություններ եք պլանավորում, հանգստանում եք, այդ պատճառով, Ձեզ նաև թուլացնում եք սեղանի շուրջ: Ինչպես խուսափել դրանից: Հանգստյան օրերին նախաճաշի և ճաշի միջև ժամանակային ընդմիջումը միայն երկու կամ երեք ժամ է. Դուք ուշ եք արթնանում և ճաշում եք Ձեր սովորական ժամին: Պատահում է այնպես, որ Դուք Ձեր ազատ ժամանակն օգտագործում եք, որպեսզի որևէ անսովոր բան պատրաստեք կամ թխվածք թխեք: Դուք կարող եք զերծ մնալ մի քանի կալորիայից, եթե օրվա մեջ երկու անգամ նորմալ սնվեք` նախաճաշին և ընթրիքին, իսկ դրանց միջև մեկ անգամ ընդունեք թեթև սնունդ, օրինակ, միայն բանջարեղեններով: Նյութի աղբյուր՝ hospitals.am