Ինչ է վարիկոցելեն
Տղամարդկային գործոնով պայմանավորված առաջնային անպտղության դեպքերի շուրջ 40%-ը, իսկ երկրորդային անպտղության 80% -ը վարիկոցելե հիվանդության հետևանք է:
Այն ամորձու սերմնալարի երակների լայնացումն է, և այդ նույն երակներում առկա արյան հետհոսքը:
Վարիկոցելեն կարող է հանգեցնել սերմի որակական բոլոր ցուցանիշների վատթարացմանը, ինչպես նաև ԴՆԹ-ի ֆրագմենտացիայի աճին` հանգեցնելով անպտղության:
Բացի այդ, վարիկոցելեի հետևանքով կարող է ամորձու չափը փոքրանալ, առաջացնել ցավ, դիսկոմֆորտ, կարող է նաև նվազել տեստոստերոնը:
Վարիկոցելեն ախտորոշվում է զննմամբ և ամորձիների սոնոգրաֆիայով` դուպլեքս հետազոտությամբ:
Բուժումը վիրահատական է, լավագույն մեթոդներից է համարվում միկրովիրաբուժական վարիկոցելէկտոմիան` ըստ Մարմարի:
Մի՛ անտեսիր առողջական խնդիրները, դիմի՛ր բժշկին:
