3 ԴԵՂ, ՈՐՈՆՔ ՀԱԿԱՑՈՒՑՎԱԾ ԵՆ ՍԻՐՏ-ԱՆՈԹԱՅԻՆ ՀԻՎԱՆԴՈՒԹՅՈՒՆՆԵՐ ՈՒՆԵՑՈՂ ՄԱՐԴԿԱՆՑ
Կան դեղեր, որոնք վտանգավոր են սիրտ-անոթային խնդիրներ ունեցող մարդկանց, քանի որ դրանք կարող են արյունահոսության, թրոմբերի, առիթմիայի պատճառ դառնալ:
Եթե արյունը նոսրացնող դեղ եք խմում, զգույշ եղեք ասպիրինի հետ, խորհուրդ են տալիս Քլիվլենդի կլինիկայի մասնագետները: Ասպիրինը հակաթրոմբոցիտար դեղերի եւ հակակոագուլյանտների համակցությամբ բարձրացնում է արյունահոսության հավանականությունը:
2. Ոչ ստերոիդային հակաբորբոքային դեղորայք
Եթե առիթմիա ունեք եւ արյունը նոսրացնող դեղեր եք ընդունում, զգուշացեք ոչ ստերոիդային հակաբորբոքային միջոցներից, որոնց թվին են դասվում նապրոքսենի եւ իբուպրոֆենի խմբի ցավազրկողները: Բանն այն է, որ այդ միջոցները նույնպես նոսրացնում են արյունը եւ այլ միջոցների համակցությամբ կարող են լուրջ արյունահոսության պատճառ դառնալ: Եթե անհանգստացնում է գլխացավը կամ այլ տեսակի ցավերը, խորհրդակցեք բժշկի հետ՝ ցավազրկողներ օգտագործելուց առաջ:
3. Որոշ հակաբիոտիկներ
Եթե դուք առիթմիա կամ դրա զարգացման հավանականություն ունեք, զգույշ եղեք հակաբիոտիկների հետ, քանի որ որոշ հակաբիոտիկներ կարող են հաճախացնել սրտի աշխատանքը:
Այդպիսի ազդեցություն ունեցող հակաբիոտիկներից կարելի է առանձնացնել ազիթրոմիցինը եւ լեվոֆլոքսացինը: Մի շարք հետազոտություններ ցույց են տվել, որ դրանք կարող են հանկարծակի առիթմիայի պատճառ դառնալ:
Ամոքսիցիլինն ու ցիպրոֆլոքսացինը նույնպես նման ազդեցություն ունեն, բայց դրանց դեպքում վտանգն այդքան բարձր չէ, որքան վերոնշյալ հակաբիոտիկների պարագայում:
www.online-apteka.am