41 просмотры

Ամուսնալուծության շեմին հասած շատ զույգեր եզրափակիչ քայլից առաջ կանգ են առնում երեխաների պատճառով՝ մտահոգվելով, թե իրենց այդ ճակատագրական քայլն ինչպես կազդի նրանց վրա: Եվ շատերը որոշում են չբաժանվել հանուն երեխաների: Բայց չէ՞ որ փաստացի նրանց հարաբերություններն արդեն ավարտված են, իսկ երջանիկ ընտանիքի պատրանքը պահպանելու փորձերն էմոցիոնալ առումով քայքայում են ու հանգեցնում տոքսիկ մթնոլորտի: Նրանք կարող են կուռ տառապել՝ հուսալով, որ ամեն ինչ լավ կլինի, կամ, որ ավելի վատ է, իրենք իրենց են մեղավոր համարում: Ստորև կներկայացնենք այն 4 պատճառները, թե ինչո՞ւ են տոքսիկ հարաբերությունները երեխաների համար ավելի վատ, քան ծնողների ամուսնալուծությունը: 1. Անընդհատ լարված վիճակ Երեխաները շատ զգայուն են ու զգում են, թե ինչ է տեղի ունենում ծնողների միջև: Եթե մայրիկն ու հայրիկն անընդհատ վիճում են, երեխաները սթրես են ապրում: Նրանք անընդհատ գտնվում են լարված վիճակում, փոխանակ տանը հանգստություն ու հոգատար վերաբերմունք գտնեն: Դա կարող է հանգեցնել ընկճախտի և այլ հոգեբանական ու հոգեկան խանգարումների: 2. Բացասական ազդեցություն երեխայի աշխարհընկալման վրա Ծնողների շարունակական վեճերը մնում են երեխայի հիշողության մեջ: Եվ դա ազդում է երեխայի ինքնավստահության վրա, նվազեցնում ինքնագնահատականի աստիճանը: Երեխան սիրո կարիք է ունենում, բայց կմերժի իր հետ մտերմություն հաստատելու ցանկացած փորձ: 3. Տրամադրության փոփոխություններ Ընտանիքում տոքսիկ մթնոլորտը հանգեցնում է հոգեբանական խաթարումների, երբ երեխայի մոտ հաճախակի են դառնում տրամադրության փոփոխությունները: Հետագայում, եթե դրանով չզբաղվեն, դեռահասը կարող է խլացնել իր վիճակն արգելված միջոցների, նյութերի մեջ կամ կասկածելի զբաղմունքներով: Ոչ բարվոք ընտանիքներում երեխաներն արագ են հասունանում՝ այդպիսով կորցնելով մանկության մի մասը, և մեծանում են՝ որպես բավականին հոռետես մարդիկ: 4. Õ"Õ¿Õ¥Ö€Õ´Õ¸Ö'Õ©ÕµÕ¡Õ¶ Õ°Õ¡Õ¶Õ¤Õ¥Õº Õ¾Õ¡Õ­Õ¨ Տոքսիկ ընտանիքը մանկական հոգու վրա մեծ հետք է թողնում: Այդպիսի երեխաները մեծանալիս վախենում են այլ մարդկանց հետ մտերմություն հաստատել, քանի որ մտերմությունն անցյալի ցավալի հիշողություններ է արթնացնում նրանց մոտ: Դրա համար էլ այդպիսի ընտանիքում մեծացած երեխաները հեռու են մնում ուրիշներից, որ նրանք էլ իրենց հոգին այնպես չցավեցնեն, ինչպես դա եղել է իրենց մանկության ժամանակ: Հրապարակման պատրաստեց 168.am- ը