ԲԱՑԱՌԻԿ ԿԼԻՆԻԿԱԿԱՆ ԴԵՊՔ.«Շենգավիթ» ԲԿ֊ում ՈՒՁՀ հետազոտության ժամանակ ախտորոշվել է արտարգանդային և արգանդային հղիություններ միաժամանակ

Լուսանկարի փոքրիկը դժվար ճանապարհ է անցել մինչ լույս աշխարհ գալը, նրա համար երկարատև պայքար են մղել և մայրը, և «Շենգավիթ» ԲԿ֊ի մանկաբարձ֊գինեկոլոգ Արաքս Հակոբյանը, ում վերահսկողությամբ ծնվել են նաև կնոջ երկու երեխաները ևս

38 ամյա կինը հաշվառվել է «Շենգավիթ» ԲԿ֊ում: ՈՒՁՀ հետազոտության ժամանակ ախտորոշվել է արտարգանդային և արգանդային հղիություններ միաժամանակ, որը համարվում է կլինիկական բացառիկ դեպք

«Շենգավիթ» ԲԿ֊ի Օնկոգինեկոլոգիական ծառայության ղեկավար, բ․գ․թ ուռուցքաբան֊գինեկոլոգ, էնդոսկոպիկ վիրաբույժ Հայկ Մկրտչյանի կողմից կատարվել է աջակողմյան տուբէկտոմիա լապարոսկոպիկ եղանակով՝ արտարգանդային հղիության ընդհատման կապակցությամբ: Այսինքն՝ հղիության առաջին փուլում լապարասկոպիկ եղանակով հեռացվել է արտարգանդային հղիությամբ ձևավորված պտուղն, ու պրոֆեսիոնալ և սրտացավ անձնակազմի համատեղ աշխատանքի շնորհիվ՝ պահպանվել արգանդային հղիությունը

Հղիության ողջ ընթացքում կինը գտնվել է Արաքս Հակոբյանի հսկողության ներքո

38-ամյա պացիենտ Մ․Ժ֊ն ունեցել է նաև բարդացած մանկաբարձական անամնեզ՝ սպի արգանդի վրա երկու կեսարյան հատումներից հետո, և բարդացած գինեկոլոգիական անամնեզ:

Եվ չնայած բարդություններին՝ հղիության հասուն փուլում կեսարյան հատման ճանապարհով ծնվել է 3կգ․ քաշով և 50սմ․ հասակով առողջ տղա՝ շնորհիվ «Շենգավիթ» ԲԿ-ի բուժանձնակազմի մասնագիտական բարձր որակումների և հոգատարության

Մայրն ու փոքրիկն իրենց հրաշալի են զգում և արդեն տանն են

Հ.գ.

Կեսարյան հատման լուսանկարները հրապարակված են ըստ կլինիկական դեպքի նկարագրության՝ մասնագետների թույլտվությամբ։