Ե՞րբ դիմել լոգոպեդի

«Հերացի» թիվ 1 հիվանդանոցային համալիրի պոլիկլինիկայի, Նյարդավիրաբուժության և գլխուղեղի կաթվածների վիրաբուժության մասնագիտացված կաթվածի կենտրոն լոգոպեդ Մերի Շաբոյանը նշում է, երբ երեխայի թոթովանքը ավելի ուշացած է լինում (նորմա՝ գղգղանք 2-3 ամսական, թոթովանք 5-6 ամսական):

Երբ երեխան (1-2 տարեկանում) չի արտաբերում մամա, պապա, տատա, հաֆ-հաֆ և նմանատիպ բառեր։

Երբ երեխան (մինչև 3 տարեկան) չի ընկալում իրեն ուղղված խոսքը։ Անհրաժեշտ է պարզել խոսքի ուշացման պատճառը:

Երբ երեխան (5 տարեկան) սխալ է արտաբերում մեկ հնչյուն կամ հնչյունախմբեր:

Երբ երեխայի մոտ դիտվում է կակազություն (առաջին իսկ ախտանիշի դեպքում):

Երբ երեխան դժվարություններ ունի ընթերցելիս կամ գրելիս:

Երբ անձը ունեցել է գլխուղեղի կաթված (ինսուլտ), գանգուղեղային վնասվածքներ:

Երբ դիտվում է ձայնի փոփոխություն (ձայնը ռնգային է, խռպոտ, մոնոտոն):

Երբ իրականացվել է կոկորդի հեռացում, առկա է ձայնալարի պարեզ:

ԵՐԲ ԵՐԵԽԱՅԻ ԿԱՄ ՄԵԾԱՀԱՍԱԿԻ ՄՈՏ ԴԻՏՎՈՒՄ ԵՆ ԽՈՍՔԱՅԻՆ ՀԱՂՈՐԴԱԿՑՄԱՆ ԴԺՎԱՐՈՒԹՅՈՒՆՆԵՐ:

Նյութի աղբյուրը ՝ այստեղ