Ինչ խաղեր խաղալ 1+ տարիքի երեխաների հետ

Ինչ խաղեր խաղալ 1+ տարիքի երեխաների հետ: Շարունակաբար կտեղադրեմ խաղեր, բայց առաջին հերթին պիտի փորձեք ,թեկուզ խաղի վերածելով, խաղալ այնպիսի խաղեր, որոնք կզարգացնեն երեխայի ինքնասպասարկման հմտություններ:

Բալես, բե՛ր բանանը մաքրեմ-ի փոխարեն, կտրատեք, թող ինքնուրույն մաքրի

Բալես, բե՛ր կոճակդ կոճկեմ-ի փոխարեն, թողեք, թող ինքնուրույն փորձի կոճկել

Հիմա ճաշիկ կուտացնեմ-ի փոխարեն, թող փորձի ինքնուրույն ուտել, չի՞ ուտում ինքնուրույն, խրախուսանքի տարբերակներ մտածեք

Հիմա կհագցնեմ շորերդ-ի փոխարեն, թողեք, թող ինքնուրույն հագնի, սկզբում թարս կհագնի, տգեղ կլինի,,,,ոչինչ, ընթացքում կսովորի ամեն ինչ ճիշտ անել, իսկ եթե չզարգացնեք ինքնուրույնությունը, երբեք էլ չի սովորի

Սովորեցրեք, որ ինքն իր համար հյութ քամի

Սովորեցրեք, որ իր ուտելիքի ափսեն ինքը պիտի խոհանոցից բերի, դնի սեղանին և վերջում էլ տանի խոհանոց

սովրեցրեք տնից դուրս գալուց մաքրել կոշիկները, թող լավ չմաքրի, խնդիր չի, կարևորը սովորություն կդառնա

Մի՛ ասեք անընդհատ բե՛ր քիթիկդ մաքրեմ, բերանդ մաքրեմ, տվեք անձեռոցիկը, թող ինքնուրույն անի,,, անհրաժեշտության դեպքում կարող եք միջամտել, բնականբար, բայց միշտ թողեք թող փորձի: Ու երբեք չասեք՝ քեզ մոտ լավ չի ստացվում, բե՛ր ես անում, պարզապես ասեք, որ հիմա էլ ձեր հերթն է:

Սովորեցրեք ինքնուրույն կախել իր լվացած հագուստը պարանից, թող այդ օրը ծուռ լինի ձեր կախած լվացքը, փոխարենը կնպաստեք երեխայի ինքնուրույնության մակարդակի բարձրացմանը:

Սովորեցրեք, հավաքել թափածը ու ոչ միայն իր թափածը, սովորեցրեք, որ եթե հատակին ընկած մի բան է տեսնում, պետք է վերցնի ու տանի գցի աղբամանի մեջ: Շատ մայրիկներ սովորեցնում են երեխային հավաքել իր թափածը, իր հետո, երբ երեխան մեծանում է, ինչ որ բան են խնդրում հավաքել, ասում է ՝ <<Ե՞ս եմ թափել, որ հավաքեմ>>,,,

Նյութը`  Անի Խուդոյանի էջից