Խորհուրդներ սննդաբան Անուշիկ Միրզոյանի կողմից, թե ինչպես և ինչ պայմաններում կտավատի չռաֆինացված ձեթը օգտագործել, որպեսզի լինի անվտանգ
Քանի որ Արցախում առկա է միայն տեղական արտադրության կտավատի չռաֆինացված ձեթ և որպես հիմնական բուսայուղ դա է օգտագործվում, ստորև մի քանի կարևոր խորհուրդ սննդաբան Անուշիկ Միրզոյանի կողմից, թե ինչպես և ինչ պայմաններում այն օգտագործել, որպեսզի լինի անվտանգ
կտավատի ձեթը ԵՆԹԱԿԱ ՉԷ տաքացման/ եռացման, հետևաբար դրանով տապակել, շոգեխաշել կամ ջեռոցում եփել ՉԻ թույլատրվում
այն կարող եք ավելացնել ԱՐԴԵՆ ԵՓՎԱԾ ուտելիքին, օրինակ, ցանկացած մթերք եփեք ջրում, որից հետո նոր ավելացրեք վրան կտավատի ձեթը
օդի հետ շփման արդյունքում ձեթը փոփոխում է իր կազմությունը, հետևաբար հարմար կլինի այն լցնել փոքր շշերի մեջ (500մլ) և ինչքան հնարավոր է ամուր փակել կափարիչը
օգտագործելիս կտավատի ձեթը լցրեք մուգ գույնի պլաստմասե շշի մեջ և յուրաքանչյուր անգամ օգտագործելուց հետո սեղմեք շշի պատերին և նոր փակեք կափարիչը, որպեսզի հնարավորինս օդը դուրս մղեք շշից (այդպես ավելի երկար կպահպանվի)
պահպանման ժամկետը, եթե արդեն շիշը բացել եք և օգտագործում եք՝ 1ամիս է, փակ վիճակում կարող է պահպանվել մինչև 6 ամիս
ձեթը փչանում է արևի տակ դնելուց և բարձր ջերմաստիճանից, այդ պատճառով պահել այն մինչև 22 աստիճան ջերմաստիճանում (սակայն ոչ ցածր 5 աստիճանից) և մութ տեղում (օրինակ սառնարանի դռան վրա)
երբեմն տարայի հատակին կարող եք նկատել նստվածք, դրանից պետք չէ վախենալ, դա նորմալ է, սակայն՝
եթե զգում եք, որ ձեթի հոտը փոխվել է՝ կծված հոտ է, դա կարող եք օգտագործել որպես ցուցիչ, որ այն այլևս ենթակա չէ օգտագործման։
