Սխալներ, որոնք մենք հավանաբար թույլ ենք տալիս գինի խմելիս
Գինին պետք է մատուցել ճիշտ ջերմաստիճանով: Կարմիրը չպետք է շատ տաք լինի, իսկ սպիտակը շատ սառը: Այդպես դուք կկորցնեք գինու համն ու բույրը: Կարմիր գինին պետք է սենյակային ջերմաստիճանից մի քիչ սառը լինի, իսկ սպիտակը թեթևակի սառեցված: Կարմիր գինու շիշը սառնարանում 20 րոպե թողնելը բավական է:
Գինու բաժակը պետք է պահել պոչից: Այդպես ձեր ձեռքերի ջերմությունը չի փոխանցվի գինուն և չի փչացնի դրա համը:
Երբեմն մատուցողն ու գինեգործը գինին փորձողին ցուցադրում են խցանը: Դրանով նա ցույց է տալիս, որ խցանը վնասված չէ: Սա հին ֆրանսիական ավանդույթ է՝ չկեղծված գինու ապացույց: Պետք չէ հոտ քաշել խցանից, խմիչքի բույրը ձեզ ամեն ինչ կպատմի գինու մասին:
Գինու բաժակը մի փոքր թափահարելը տեղին է, դա թույլ է տալիս գինու բույրը ստանալ, սակայն երկար թափահարել պետք չէ, դա միայն վատ տպավորություն կստեղծի ձեր մասին:
Գրաֆինները միայն զարդարանքի համար չեն: Գինին գրաֆինի մեջ տեղափոխելը թույլ կտա ազատվել նստվածքից, հագեցնել այն թթվածնով, հարստացնել համն ու բույրը: Գրաֆինի մեջ երիտասարդ կարմիր գինին պետք է տեղափոխել մատուցելուց մեկ ժամ առաջ, ավելի հին գինու համար կես ժամը բավարար է …
