Ցավոտ դաշտան

Ցավոտ դաշտան բնորոշվում է փոքր կոնքի շրջանում սուր ընդմիջվող կամ բութ մշտական ցավերով: Ցավերը երբեմն կարող են տարածվել դեպի մեջքը կամ գոտկային շրջանը: Տարբերում են երկու տիպի ցավոտ դաշտան առաջնային և երկրորդային:
Առաջնային ցավոտ դաշտանը սկսվում է  ցիկլերն ի հայտ գալուց մոտ մեկ կամ երկու տարի անց: Ցավերն կարող են սկսվել դաշտանից մի քանի օր առաջ կամ դաշտանի հետ միաժամանակ և անցնում են 1-3 օրից:
Երկրորդային ցավոտ դաշտանը  պայմանավորված է կնոջ վերարտադրողական օրգանների հիվանդությամբ: Այս դեպքում ցավերը սկսվում են դաշտանից շատ ավելի շուտ և տևումեն ավելի երկար,քան սովորական դաշտանային ցավերը:
Ցավն առաջանում է, երբ  արգանդի մկաններն չեն ստանում անհրաժեշտ քանակությամբ թթվածին:  Արգանդի մկանները չափից ուժեղ կծկվելու դեպքում ճնշում է շրջակա  արյունատար անոթները`դադարեցնելով  թթվածնի մատակարարումը արգանդի հյուսվածքներին:

Երկրորդային  դաշտանային ցավերի պատճառ  կարող են հանդիսանալ հետևյալ հիվանդությունները`

-սեռավարակները
-փոքր կոնքի օրգանների բորբոքային հիվանդությունները
-արգանդի միոման
-էնդրոմետրիոզը
-ձվարանի կիստան
-ներարգանդային պարույրի առկայությունը:

Ցավոտ դաշտանի ախտանշաններն են`

-ցավեր փոքր կոնքի շրջանում
-ճնշման զգացողություն որովայնում
-ցավ ազդրերի,սրբանի, գոտկային հատվածներում
-սրտխառնոց, փսխում
-ջրիկ կղանք:

Դաշտանի ժամանակ ցավերը մեղմելու նպատակով կարող եք խմեք տաք ըմպելիքներ, մատների ծայրով կատարեք շրջանաձև մերսում ցավող հատվածում, սահմանափակեք աղի, շաքարի, սուրճի և ոգելից խմիչքների քանակը,պառկեք կողքի վրաոտքերը ծնկների շրջանում ծալած վիճակում, ընդունեք ցավազրկող դեղամիջոցներ`”Իբուպրոֆեն”, “Պարացետամոլ”: Նշված  դեղամիջոցները հակացուցված են, եթե ունեք արյան մակարդելիության խանգարումներ, ստամոքսի խոց կամ լյարդի հիվանդություններ:Ջեռակ  կարելի է կիրառել միայն այն դեպքում, երբ համոզված եք, որ ցավը դաշտանի հետևանքով է: Որովայնային այլ ցավերի դեպքում,որոնք ուղեկցվում են  ջերմության բարձրացմամբ, ջեռակի կիրառումը խիստ հակացուցված է և  շատ վտանգավոր:
Դաշտանային ցավերը կանխելու համար խուսափեք նստակյաց ապրելակերպից: Կատարեք ֆիզիկական վարություններ, զբոսանք,քանի որ ֆիզիկապես ակտիվ կանայք  ավելի հազվադեպ են ունենում դաշտանային ցավեր: Խուսափեք սեռավարակներիցա:
Դաշտանային ցավերի պատճառները ախտորոշելու և հետագա բարդություններից խուսափելու համար,  դիմեք  բժշկի :

Ապրեք առողջ…
Պատրաստեց`Ա.Հարությունյան