77 просмотры

ÕŽÕ¡ÕµÖ€Õ« ÕºÕ¡Ö€Õ¥Ö€Õ¶ Õ¸Ö' Õ¢Õ«Õ¯Õ«Õ¶Õ«Õ¸Õ¾ Õ¡Õ²Õ»Õ«Õ¯Õ¶Õ¥Ö€Õ¨ Õ½ÕºÕ¡Õ½Õ¸Ö'Õ´ Õ¥Õ¶ Õ¦Õ¢Õ¸Õ½Õ¡Õ·Ö€Õ»Õ«Õ¯Õ¶Õ¥Ö€Õ«Õ¶ Õ¸Õ¹ Õ´Õ«Õ¡ÕµÕ¶ Ô²Ö€Õ¡Õ¦Õ«Õ¬Õ«Õ¡ÕµÕ« Õ¯Õ¡Õ¼Õ¶Õ¡Õ¾Õ¡Õ¬Õ«Õ¶Ö‰ Daily Star պարբերականի փորձագետները անվանել են հինգ ամենաթեժ վայրերը, որտեղ կարելի է զվարճանալ ու պարել հենց փողոցում։ Բրիտանացիները կազմել են թոփ-5 ուղղությունների ցանկ, որտեղ ամեն տարի մեկնում են միլիոնավոր զբոսաշրջիկներ գեղեցիկ ներկայացումների և գրավիչ փողոցային զվարճանքների հետևից։ Վարկանիշային աղյուսակը գլխավորում է Մոնտեվիդեոյի կառնավալը։ Ամբողջ Ուրուգվայի համար այս շքեղ տոնը անցկացվում է հունվար-փետրվար ամիսներին և տևում 40 օր։ Ամենամյա ծրագրի ամենագլխավոր իրադարձությունը Լլամադասն է՝ ավանդական աֆրո-ուրուգվայական արմատներով փողոցային շքերթը։ Փորձագետները գտնում են, որ Մոնտեվիդեոյի դիմակահանդեսը, որը նվիրված է ստրկության վերացմանն ու աֆրիկացիների մշակույթի ծաղկմանը, պակաս վառ ու գրավիչ չէ, քան՝ Ռիո դե Ժանեյրոյինը, որն ի դեպ զբաղեցրել է միայն երկրորդ հորիզոնականը։ Ամեն տարի փետրվարին այդ անհավանական տոնը հավաքում է երկու միլիոնից ավել հանդիսատես։ Այստեղ կարելի է ոչ միայն հիանալ մասնակիցների շքեղ հանդերձանքով և սամբա պարողների սեքսուալ կազմվածքով, այլև՝ մասնակցել վայրի, փողոցային երեկույթներին, որոնք գրեթե ամենուր են։ Մարտի առաջին կեսին Ավստրալիայում մեկնարկում է ամենամյա Մարդի Գրա փառատոնը, որը անցկացվում է Սիդնեյում։ Այն զբաղեցնում է Daily Star-ի վարկանիշային աղյուսակի երրորդ հորիզոնականը։ Իհարկե, պետք է հաշվի առնել, որ այն մեծ մասամբ նվիրված է ԼԳԲՏ մշակույթին։ Տոնի գլխավոր բաղադրիչներից են փողոցային պարերը, մոտոցիկլետներն ու արևի տակ զվարճացող բիկինիով աղջիկները։ Չորրորդ տեղում ԱՄՆ-ի ուսանողների գարնանային արձակուրդին նվիրված փողոցային զվարճանքն է։ Դիջեյների ուղեկցությամբ զանգվածային զվարճանքն ու շատ խմիչքը սպասում են մարտին Նոր Օռլեանում, Ֆլորիդայում և Տեխասում։ Թոփ-5-ը եզրափակում է Լոնդոնի Նոթինգ Հիլ թաղամասի ամառային փառատոնը։ Օգոստոսի 26-ից 27-ին նրա հյուրերը և մասնակիցները սպասում են փողոցային պարողների ելույթներին և, ինչպես գրում են բրիտանացիները, խմելուն ու զվարճանալուն։ Առաջին անգամ այդ փառատոնը տեղի է ունեցել 1966 թվականին։ Եվ եթե սկզբում այն միայն տեղաբնակների համար էր, ապա այժմ այն ստացել է միջազգային զանգվածային բնույթ։ Նյութի աղբյուրը՝ travelnews.am