75 просмотры

Գրգռված աղիքի համախտանիշը ֆունկցիոնալ խանգարում է, որը ունի բարձր տարածվածություն: Ըստ որոշ տեղեկությունների, չափահաս բնակչության մոտ 15-20% -ը տառապում է գրգռված աղու համախտանիշով, և հիվանդների մեծ մասը կանայք են: Բժիշկ-էնդոսկոպիստ Լևոն Առաքելյանը նշում է, որ այն կարող է արտահայտվել որովայնի շրջանում քրոնիկ ցավով՝ հիմնականում աղիների երկայնքով՝ առաջացնելով տհաճ զգացողություններ, փքվածություն, փոփոխվող փորկապություն և փորլուծություն, թերի դատարկման զգացողություն: Գրգռված աղու համախտանիշի հիմնական պատճառներից մեկը համարվում է սթրեսը (ԳԱՀ- ով հիվանդների կեսը տառապում է անհանգստությունից կամ ընկճվածությունից), այնուամենայնիվ պատճառ են հանդիսանում նաև անորակ սնունդը (մասնավորապես, մեծ քանակությամբ ճարպ և դիետայի մեջ մանրաթելերի պակաս) և աղիքի մեջ մանրէների ավելացումը (հակաբիոտիկների անխնա օգտագործման հետևանք): Բուժում Եթե հիվանդն ունի որոշ տագնապալի ախտանիշներ (քաշի կորուստ, ուղիղ աղիքի արյունահոսություն, փսխում), ապա պետք է հնարավորինս շուտ ախտորոշիչ հետազոտություն իրականացվի։ Գրգռված աղիքի համախտանիշն արդյունավետ բուժելու համար հարկավոր է օգտագործել հետևյալ մեթոդները. Նևրոզների թերապիա (դեպրեսիվ-անհանգիստ վիճակից ազատվելը) Անցնել դիետիկ սննդի (ապուրներ, կաթնամթերք, ցածր յուղայնությամբ սնունդ) Սննդակարգում բուսական մանրաթելերի ներառում Բացառել այն պրոդուկտները, որոնք մեծացնում են ախտանիշները Մասնագետի խոսքով՝ գրգռված աղիքի համախտանիշի դեպքում պարտադիր է նևրոզի թերապիան։ Մնացած բոլոր մեթոդները, օգտագործելով սննդակարգը, դեղորայքը, սննդային հավելումները, միայն թեթևացնում են ախտանիշները, բայց չեն վերացնում դրանց առաջացման պատճառը՝ քրոնիկական անհանգստությունը: Գրգռված աղիքի համախտանիշի բուժման համար մասնագետը նշանակում է նաև դեղամիջոցներ: Ô²ÕªÕ«Õ·Õ¯ Ô¼Ö‡Õ¸Õ¶ Ô±Õ¼Õ¡Ö"Õ¥Õ¬ÕµÕ¡Õ¶/ Նյութը` «Հերացի» թիվ 1 հիվանդանոցային համալիր