45 просмотры

Եթե ձեր երեխայի վիրահատության կամ բժշկական հետազոտության համար անեստեզիա է անհրաժեշտ, ապա ենթադրվում է, որ դրա հետ կապված շատ հարցեր կառաջանան: Յուրաքանչյուր ծնողի, առաջին հերթին, անհանգստացնում է՝ ինչպես երեխան կարձագանքի ընդհանուր անզգայացմանը: Բարեբախտաբար, ընդհանուր անզգայացումը շատ ապահով է: Կարևոր է, որ և՛ դուք, և՛ ձեր երեխան նախապես տեղեկացաված լինեք գործընթացից՝ հոգեբանորեն պատրաստ լինելու համար: Ինչպե՞ս նախապատրաստվել վիրահատությանը Ձեր և երեխայի՝ վիրահատության հետ կապված նախապատրաստական աշխատանքները, լավ կլինի սկսել վիրահատությունից մեկ օր առաջ: Ի՞նչ անել. Կարդացեք փաստաթղթերը: Վերանայեք երեխայի վիրահատող բժիշկների տված տեղեկությունները: Շրջայց կատարեք հիվանդանոցում : Շատ երեխաներ վախենում են հիվանդանոցային միջավայրից: Շատ կարևոր է, որ վիրահատությունից առաջ երեխան շրջի հիվանդասենյակներով, ծանոթանա բժիշկների հետ՝ վախը կոտրելու համար: Բացատրեք, թե ինչ է իր հետ պատահել: Պարտադիր չէ, որ երեխային ամենայն մանրամասնությամբ բացատրեք վիրահատության մանրամասները: Երեխայի տարիքը հաշվի առնելով՝ պատմեք նրան, թե ինչ է լինելու վիրահատության արդյունքում: Երեխաները վառ երևակայություն ունեն և կարող են մեծահասակների համար անսպասելի վախեր ունենալ: Այդ պատճառով նրանց բոլոր հարցերին պատասխանեք զգուշությամբ և համբերատարորեն, որպեսզի երեխան հասկանա, թե ինչ ակնկալիք ունենա: Ô»ÕžÕ¶Õ¹ Õ½ÕºÕ¡Õ½Õ¥Õ¬ Õ¾Õ«Ö€Õ¡Õ°Õ¡Õ¿Õ¸Ö'Õ©ÕµÕ¡Õ¶ Ö…Ö€Õ¨ Վիրահատության օրը բժիշկների թիմը կօգնի երեխային ավելի հարմարավետ զգալ, սակայ կան բաներ, որոնց մասին պետք է հոգան ծնողները. Սոված, փոքր-ինչ նյարդային երեխա: Ընդհանուր անզգայացումը պահանջում է ուտելու, խմելու որոշակի սահմանափակումներ: Մասնավորապես, երեխան վիրահատությունից 8 ժամ առաջ մաքուր հեղուկից բացի որևէ այլ բան չպետք է ընդունի: Պատրաստ եղեք, որ երեխան դրա պատճառով կարող է դառնալ առավել նյարդային և պահանջկոտ: Վստահեցրեք նրան, որ վիրահատությունից ոչ շատ ժամանակ անց նա կկարողանա ուտել և խմել: Վիրահատությունից առաջ վերջնական ստուգում: Վիրահատության գոտի մտնելուց անմիջապես հետո դուք կհանդիպեք բժիշկների թիմին: Նրանք կհաստատեն երեխայի անձը և կքննեն վիրահատության մանրամասները՝ ներառյալ ընդհանուր անզգայացման տեսակն ու վիրահատությունից հետո վերականգման պլանը: Այս փուլում երեխայի տագնապը կարող է հասնել իր գագաթնակետին, խուճապի մատնվել պետք չէ, քանի որ բժիշկներն ու բուժքույրերը կհանգստացնեն երեխային: Դեղամիջոցներ, որոնք կօգնեն երեխային հանգստանալ: Սովորաբար վիրահատության գոտում գտնվելու ժամանակ բժիշկները երեխային տալիս են տագնապը հանող հաբեր, որը ազդում է րոպեների ընթացքում: Սակայն, տագնապը հանող դեղամիջոցները միակ լուծումը չեն. բժիշկները երեխային խաղաղեցնելու համար օգտագործում են նաև պլանշետներ, որի միջոցով կարող են մուլտֆիլմ նայել, երաժշտություն լսել: Թույլատրվում է նաև վիրահատական գոտի տանել երեխայի սիրելի խաղալիքը. դա երեխային կօգնի իրեն պաշտպանված զգալ: Տեղային անզգայացումն արվում է վիրահատարան մտնելուց անմիջապես հետո: Ի՞նչ է կատարվում վիրահատությունից հետո Վիրահատությունից հետո բժիշկները երեխային տանում են վերակենդանացման բաժանմունք: Դուք հնարավորություն կունենաք երեխայի մոտ լինել, երբ նա արթնանա: Պատրաստ եղեք տեսնել հետևյալը. Շփոթված և հուզված երեխա: Որոշ երեխաներ արթնանում են շատ խաղաղ կերպով, բայց կարող է լինել նաև այնպես, որ երեխան լինի չափազանց գրգռված և շփոթված՝ հատկապես մինչև 5 տարեկանները: Հնարավոր է նաև զառանցանք լինի, սակայն պետք չէ վախենալ. այս վիճակը տևում է մի քանի րոպե: Սոված և ծարավ երեխա: Սա սովորական իրավիճակ է: Երեխան 3 ժամ անց կարող է ուտել և խմել: Նյութը` doctors.am