604 просмотры

Խոզուկը վիրուսային վարակ է, որի դեպքում հիմնականում ախտահարվում են թքագեղձերը, հատկապես` հարականջային, մյուս գեղձային օրգանները, ինչպես նաև նյարդային համակարգը: Վիրուսը շատ զգայուն է տաքացման, չորացման, ուլտրա մանուշակագույն ճառագայթման և կիրառվող ախտահանիչ միջոցներ ազդեցության նկատմամբ: Ցածր ջերմաստիճանի դեպքում խոզուկի վիրուսը կենսունակ է մինչև 1-2 ամիս: Վիրուսը պահպանվում և տարածվում է քթի միջոցով: Վարակի աղբյուր է հանդիսանում պարոտիտի ջնջված ձևով հիվանդ մարդը և նույնիսկ արտանշաններ չունեցող վարակակիրը: Հատկապես վտանգավոր են հիվանդության թեթև և ջնջված ձևերով հիվանդաած մարդիկ, որոնք շարունակում են շփվել առողջ երեխաների հետ: Վարակիչ լինելու շրջանը տևում է 6-9 օր: Վարակումը կատարվում է օդակաթիլային եղանակով` խոսակցության, հազի, փռշտոցի ժամանակ: Վարակվելը հնարավոր է հիվանդ մարդուց` հիվանդության ախտանշանների երևան գալուց դեռ 1-2 օր առաջ: Խոզուկով հաճախ հիվանդանում են 5-15 տարեկան երեխաները և մեծահասակները, ովքեր մանկական տարիքում չեն հիվանդացել: Հիվանդանալուց հետո ձևավորվում է կայուն իմունիտետ ամբողջ կյանքի համար: Հիվանդուրյունը սկսվում է ջերմության բարձրացմամբ մինչև 38-39 աստիճան, գլխացավով: Ականջախեցիի առջևի մասում առաջանում է արտաքին լսողական անցքի մակարդակին հասնող, խոզուկին հատուկ ուռածություն: Ուռածությունը մաշկի այտուցվելու հետևանքով կարող է տարածվել դեպի այտը և իջնել մինչև վիզը:Դեմքի ուրվագիծը դառնում է տանձաձև: Ցավոտությունը և այտուցվածությունը հիվանդության 3-5-րդ օրը պակասում են, իսկ 8-10 -րդ օրերին` բոլորովին անհետանում են: Խոզուկի դեպքում հիվանդի համար վտանգավոր են նաև բարդությունները` մենինգիտի պատճառով կարող է բարձրանալ ճնշումը,կակազություն, պարեզներ, պարալիչներ, հոգեկան խանգարումներ և անգամ էպիլեպսիա առաջանալ: Ականջի ախտահարումը կառող է հանգեցնել անդարձելի խլության, ամորձու բորբոքումը`անպտղության: Բուժումը կատարվում է տնային պայմաններում,պահպանելով անկողնային ռեժիմ: Երեխային պետք է կերակրել հաճախ`փոքր բաժիններով, կերակուրը պետք է լինի ջրալի, բացառելով տապակած կերակուրները, սուր համեմունքները, խմելու համար`լավ նոսրացված մրգահյութեր և բանջարեղենի հյութեր: Կատարում են բերանի խոռոչի լվացումներ: Կարևոր է հանգիստը, բորբոքված հարականջային և մյուս գեղձերի տաք պահելը:Այտուցվոծ տեղերը տաքացնում են բրդյա տաք, չոր փաթաթանով: Հնարավոր բարդություններից խուսափելու և արդյունավետ բուժման համար, դիմել բժշկի: Ապրեք Առողջ ... պատրաստեց՝ Ա . Հարությունյան