135 просмотры

Ստամոքսի ցավի կամ մարսողական խանգարումների պատճառները բազմաթիվ են, և քիչ չէ նաև սթրեսի դերն այդ խնդիրների զարգացման գործում։ Սակայն ցավոք, մենք բոլորս անընդհատ գտնվում ենք սթրեսի ենթարկվելու վտանգի տակ: Ու ըստ մասնագետների՝ սթրեսն ու տագնապը որովայնի ցավեր ու աղեստամոքսային համակարգի այլ ախտանշաններ առաջացնող տարածված պատճառներից են: Սթրեսի պատճառով վատ սնվելը, վնասակար սովորությունները նույնպես թողնում են բացասական ազդեցություն մարսողական համակարգի վրա։ «Արմենպրես» -ի «Հարց բժշկին» նախագծի հերթական հաղորդման շրջանակում գաստրոէնտերոլոգ-էնդոսկոպիստ Աստղիկ Խաչատրյանի հետ զրուցել ենք շատ տարածված աղեստամոքսային ֆունկցիոնալ հիվանդություններից՝ հասկանալու համար, թե ի՞նչ ազդեցություն ունեն նյարդային խանգարումները և սթրեսը ստամոքս-աղիքային համակարգի վրա: «Մեր ազգաբնակչության շրջանում միշտ էլ սթրեսները շատ են եղել, իսկ վերջին իրադրությունների՝ հատկապես պատերազմական իրավիճակի հետ կապված դրանք բավականին սրվել են ու արդեն ակնառու են: Ինչպես ցանկացած օրգան համակարգ, այնպես էլ ստամոքս-աղիքային համակարգի հարցում նյարդային համակարգը մեծ դեր ունի և այն ունի իր ուրույն նյարդային հիվանդությունները»,-ասաց բժիշկ Խաչատրյանը : Մասնագետն ընդգծեց, որ ոչ մի բժիշկ կամ որևէ հիվանդ չի կարող միանշանակ տարբերել ու հասկանալ, որ աղեստամոքսային համակարգում առաջացած ցավերը նյարդերից են, քանի որ նման ախտորոշում կարող է լինել միայն գործիքային հետազոտություններ իրականցնելուց հետո: Անդրադառնալով այն մթերքներին, որոնք առաջացնում են էներգիայի պակաս, դեպրեսիա, մասնագետը նշեց, որ դրանց շարքին է պատկանում ածխաջրեր պարունակող մթերքները՝ հացաբուլկեղենը, խմորեղենը, քաղցրավենիքը. «Ինչքան էլ որ մեզ թվա, թե քաղցրը էներգիա է հաղորդում, այն ունի այդ շատ կարճ ազդեցություն, ցանկացած յուղոտ, տապակած, ապխտած սննունդը բերում է էներգիայի պակասի, իսկ դրան հակառակ կանաչ բանջարեղենը, տերևները, մրգերը տալիս են էներգիա»,-ընդգծեց մասնագետը: Ի՞նչ կապ կարող է լինել դեպրեսիաների և ստամոքսային խոցի միջև: Ստամոքսի խոց, առաջացման պատճառները, բուժումը և կանխարգելումը: Ո՞րն է գրգռված աղիների սինդրոմ: Ո՞ր մթերքն է հակացուցված խոցեր ունեցող հիվանդներին, որո՞նք՝ գրգռված աղու սինդրոմի դեպքում: Շատերը նշում են, որ սուշին վտանգավոր է, մյուսներն էլ հերքում են և շարունակում վայելել սիրելի ուտեստը, արդյո՞ք այն իրոք վտանգավոր է: Որո՞նք են վերջին շրջանում հանդիպած ամենատարածված խնդիրները և պացիենտների կողմից ամենաշատ հանդիպող սխալները, որոնք ավելի են բարդացնում իրավիճակը: Այս հարցերի պատասխանները ստանալու և մասնագետի կողմից առաջարկվող լուծումներին ավելի մանրամասն ծանոթանալու համար առաջարկում ենք լսել փոդքաստը: Ô³Õ¡ÕµÕ¡Õ¶Õ¥ Ô³Õ¡Õ¢Õ¸ÕµÕ¡Õ¶