51 просмотры

Ավելորդ քաշը ներկայում բավական տարածված խնդիր է, որի դեմ պայքարի լավագույն միջոցներն են ճիշտ սննդակարգն ու ինտենսիվ մարզումները, սակայն նյութափոխանակության համակարգի դանդաղ աշխատանքի դեպքում անգամ այս միջոցները կարող են բավական չլինել ցանկալի արդյունքին հասնելու համար։ Առհասարակ՝ ինտենսիվ նյութափոխանակությունը քաշի նվազմանը նպաստող գլխավոր գործոններից մեկն է, քանի որ դա այն գործընթացն է, որի միջոցով օրգանիզմը սննդից էներգիա է ստանում։ Սա նշանակում է, որ դանդաղ նյութափոխանակության դեպքում մարդը բավարար էներգիա չի ստանա և չի սպառի, ինչն էլ բարձրացնում է քաշի ավելացման հավանականությունը։ Նման խնդիրներից խուսափելու և ավելորդ քաշից ազատվելու համար հարկավոր է առաջին հերթին հետևել նյութափոխանակության համակարգի աշխատանքի ինտենսիվությանը, մինչդեռ շատերն ուշադրություն չեն դարձնում այն սովորություններին, որոնք հանգեցնում են այս համակարգի աշխատանքի վատթարացման։ Գերմանական Focus պարբերականը ներկայացրել է այդ սովորություններից չորսը, որոնք բացառելու դեպքում կարելի է հեշտությամբ պայքարել ավելորդ քաշի դեմ։ Կտրուկ նիհարելու ցանկություն Սննդամթերքի որոշակի տեսակներից կտրուկ հրաժարվելն ու օրվա ընթացքում օգտագործվող կալորիաների զգալի սահմանափակումը կարող է բացասաբար անդրադառնալ նյութափոխանակության համակարգի աշխատանքի վրա՝ դանդաղեցնելով այն։ Բանն այն է, որ նման դեպքերում օրգանիզմը չի ստանում իրեն անհրաժեշտ սննդարար նյութերը, ինչի հետևանոքվ էլ սկսում է կուտակել ճարպերը դրանք վատնելու փոխարեն։ Õ"Õ¶Õ« ÕºÕ¡Õ¯Õ¡Õ½ Քնի պակասը բացասաբար է անդրադառնում նյութափոխանակության արագության վրա, սակայն գիտնականներն առ այսօր չեն պարզել դրա հստակ պատճառը։ Ոմանք կարծում են, որ քնի պակասն ինքնին կարող է դառնալ նյութափոխանակության արագության նվազման պատճառ, մինչդեռ մյուսներն էլ վստահ են, որ քնի պակասի դեպքում մարդն ավելի քիչ էներգիա է ունենում և ավելի քիչ է շարժվում, իսկ ֆիզիկական ակտիվության պակասն իր հերթին բացասաբար է անդրադառնում նյութափոխանակության համակարգի աշխատանքի վրա։ Ֆիզիկական ակտիվության պակաս Մկանները նյութափոխանակության համակարգի ամենամեծ օրգանն են, ուստի զարմանալի չէ, որ ֆիզիկական ակտիվությունն այդքան կարևոր է։ Այն խթանում է մկանային բջիջներում էներգիայի այրման գործընթացը, ինչը շատ կարևոր է քաշի նվազեցման համար։ Սա է պատճառը, որ ֆիզիկական ակտիվության պակասը հաճախ է դառնում նյութափոխանակության դանդաղման ու քաշի ավելացման պատճառ։ Քաղցրավենիքի գործածություն սննդի ընդունման հիմնական ժամերի միջև Քաղցրավենիքն ու քաղցր ըմպելիքները պարունակում են պարզ ածխաջրեր, որոնք շատ արագ են բարձրացնում արյան մեջ շաքարի մակարդակը, ինչն էլ խանգարում է նյութափոխանակության համակարգի աշխատանքը: Նման խնդիրներից խուսափելու համար քաղցրավենիքը հարկավոր է ուտել սպիտակուցների կամ ճարպերի հետ, սակայն նիհարել ցանկացողներին առհասարակ խորհուրդ է տրվում խուսափել դրանից կամ նվազագույնի հասցնել և ոչ մի դեպքում չօգտագործել դատարկ ստամոքսին։ Նյութը ՝ այստեղ