10 օգտակար խորհուրդ ապագա մայրերին և հայրերին, որոնց անհրաժեշտ է հետևել երեխայի ծննդից առաջ և հետո
Հղիության ընթացքում կանոնավորապես այցելեք մոտակա առողջապահական հաստատություն Առնվազն չորս անգամ անտենատալ (նախածննդյան) այց կատարեք բժշկին: Ձեր բժշկին հարցրեք, թե երբ է հարկավոր նախածննդյան հսկողության նպատակով այց կատարել: Իմացեք հղիության վտանգավոր նշանների մասին, ինչպիսիք են արյունահոսությունը, բարձր ջերմությունը, ձեռքերի և ոտքերի այտուցը և տեսողության վատացումը։ Եթե ձեր զուգընկերուհին հղի է, անպայման ուղեկցեք նրան բժշկի կանոնավոր այցերի ժամանակ։ 2. Պլանավորեք ծննդաբերությունը Բարդություններից խուսափելու համար նախապես որոշեք առողջապահական հաստատությունը և թե որ մանկաբարձի օգնությամբ եք ծննդաբերելու։ Հմուտ մանկաբարձը կարող է. Օգնել երեխայի անվտանգ ծննդաբերությանը: Վաղ շրջանում բացահայտել առողջական հնարավոր խնդիրները և վտանգի նախանշանները: Առողջական վիճակի բարդացման դեպքում երեխայի մորը և ընտանիքին հետագա քայլերի վերաբերյալ խորհուրդներ տալ: Անհրաժեշտության դեպքում վարել դեպքը և մորն ու նորածնին համապատասխան բուժհաստատություն ուղղորդել բուժման նպատակով: 3. Ծննդաբերությունից առաջ և հետո հոգ տարեք ձեր մտավոր և ֆիզիկական առողջության մասին: Կանայք հուզական, ֆիզիկական և հոգեբանական փոփոխությունների են ենթարկվում, ինչպիսիք են հղիությունից առաջ և հետո քաշ հավաքելը և ինքնավստահության կորուստը։ Օգնություն խնդրելու մեջ ո՛չ մի ամոթալի բան չկա։ Ձեր ապրումների մասին խոսեք ընտանիքի անդամների կամ ընկերոջ հետ։ Կարող եք միանալ ծնողական որևէ խմբի կամ մայրերի որևէ ակումբի՝ այլ մայրերի հետ կիսվելու նպատակով։ Հարցերի դեպքում դիմեք ձեր ծննդաբերությունը վերահսկող բուժաշխատողին կամ այլ նեղ մասնագետի՝ օգնության համար։ Կարևոր է, որ թե՛ հայրերը, թե՛ մայրերն ակտիվ դերակատարում ունենան իրենց երեխայի դաստիարակության հարցում։ Սա ներառում է նաև իրար սատարելը և հոգսերը կիսելը։
Read More