Հեշտոցաբորբ, վագինիտ
Վագինիտ են անվանում հեշտոցային բորբոքումը
Այն բավականին տարածված հիվանդություն է: Կանանց մեծամասնությունը կյանքի ընթացքում ունենում է որևէ տիպի հեշտոցաբորբ:
Առոողջ կնոջ հեշտոցում կան բազմաթիվ միկրոօրգանիզմներ, որոնք գտնվում են հավասարակշռության մեջ և ապահովում են օրգանի նորմալ գործունեությունը կարող է խախտվել, հանգեցնելով վագինիտի :
Այդ գործոններից են.
- վարակները (բակտերիաներ, սնկեր, վիրուսներ, տրիխոմոնիազ)
- հակաբիոտիկները
- հղիությունը
- դաշտանադադարը
- ներլվացումները
- քիմիական գրգռիչ նյութերը, որոնք պարունակվում են կրեմների, օճառի կամ արտաքին սեռական օրգաններին հպվող հագուստի մեջ:
Վագինիտի դեպքում դիտվում է՝
- քոր
- այրոց
- հեշտոցային ոչ նորմալ արտադրություն
- ցավ՝ սեռական հարաբերության կամ միզարձակության ժամանակ:
Հիշեք, որ արտադրությունը հեշտոցից նորմալ երևույթ է: Այն պետք է լինի պարզ, անգույն և անհոտ: Դաշտանային ցիկլի ընթացքում արտադրության քանակությունը և մածուցիկությունը փոփխվում է: Դաշտանից առաջ և հետո այն լինում է սակավ և մածուցիկ, իսկ ցիկլի մեջտեղում՝ ջրիկ և առատ:
Սնկային վագինիտ
Հարուցիչը հիմնականում կանդիդա կոչվող սնկերն են, որոնք նորմայում քիչ քանակությամբ մշտապես առկա են հեշտոցում , բերանի խոռոչում, մարսողական օրգաններում: Սնկային վագինիտի առաջացման պատճառո կարող են լինել.
- Հակաբիոտիկների երկարաև ընդունումը, երբ այս կամ այն հիվանդության պատճառով կինը խմում է լայն աղդեցության հակաբիոտիկներ: Հակաբիոտիկը ոչնչացնում է ոչ միայն հիվանդության հարուցիչները, այլև հեշոցում բնակվող օգtակար բակտերիաները, որոնք նորմայում սահմանափակվում են սնկերի աճը: Արդյունքում գլուխ են բարձրացնում սնկերը:
- հղիությունը
- հորմոնային բուժումը
- գիրությունը
- իմունիտետի թուլացումը
- վահանագեղձի հիվանդությունները
- շաքարային դիաբետը, հատկապես, երբ արյան մեջ շաքարի մակարդակը բարձր է:
Հեշտոցի սնկային վարակի դեպքում արտադրոթյունը լինում է սպիտակ, լոռանման, անհոտ: Հեշտոցի և ամոթույքի շրջանում նկատվում է սաստիկ քոր և կարմրություն:
