Ընկերքի շերտազատում
Ընկերքի շերտազատումը ընկերքի անջատումն է արգանդից` մինչև երեխայի ծնվելը: Ընկերքի շերտազատման ստույգ պատճառները հայտնի չեն: Սակայն հայտնի է, որ ընկերքի շերտազատման նախատրամադրող գործոններ են.
- արյան բարձր ճնշումը հղիության ընթացքում
- հղի կնոջ մեծ տարիքը
- նախկինում ունեցած ծննդաբերությունների մեծ թիվը
- շաքարախտը
- ծխելը
- ոգելից խմիչքների չարաշահումը:
Շերտազատման պատճառ կարող է լինել նաև հղի կնոջ վնասվածքը` վթարի, հարվածի կամ ընկնելու հետևանքով, ինչպես նաև պորտալարի կարճությունը:
Ընկերքի շերտազատման ախտանշանները են
- հեշտոցային արյունահոսությունը
- ցավ որովայնի և գոտկային շրջանում:
Բուժումը
Եթե պտուղը հասունացած է, ապա կատարվում է ծննդալուծում ` կեսարյան հատման միջոցով կամ բնական ուղիներով: Սակայն, եթե պտուղը դեռ անհաս է, և շերտազատումը փոքր մակերեսով է, ապա որոշ ժամանակ հղի կինը պետք է մնա բժիշկների խիստ հսկողության տակ: Բացիթողի դեպքերում ընկերքի շերտազատումը կարող է հանգեցնել արտահայտված արյան կորստի, ինչը շատ վտանգավոր է մոր և երեխայի կյանքի համար: Անհապաղ դիմեք բժշկի, եթե Ձեզ մոտ դիտվում է հեշտոցային արյունահոսություն կամ ցավ որովայնի շրջանում:
Ինչպես կանխել ընկերքի շերտազատումը
Խուսափեք ընդունել ոգելից խմիչքներ կամ օգտագործել ծխախոտ հղիության ընթացքում:
Խուսափեք հղիության ընթացքում կատարել այնպիսի աշխատանք կամ շարժումներ, որոնք կարող են վայր ընկնելու կամ վնասվածքի պատճառ լինի:
Հղիության դեքում, որքան հնարավոր է շուտ, դիմեք բժշկի` նախածննդյան խնամք ստանալու նպատակով: Եթե հղիության ընթացքում հայտնաբերվի, որ Դուք ունեք արյան բարձր ճնշում կամ շաքարախտ, ապա խստորեն հետևեք բժշկի ցուցումներին, որպեսզի կարգավորեք շաքարի և ճնշման ցուցանիշները և նվազեցնեք բարդությունների վտանգը:
Ապրեք առողջ…
Պատրաստեց` Լ. Բունիաթյան