Ինչպե՞ս է տեղի ունենում հղիությունը
Ձվաբջիջը ձվազատումից հետո կենսունակ է ընդամենը 18-24 ժամ, իսկ սերմնաբջիջը արգանդի խոռոչում կարող է կենսունակ մնալ մոտ 2-5 օր: Բեղմնավորումը տեղի է ունենում, երբ միաժամանակ արգանդափողում միաժամանակ հանդիպում են ձվաբջիջն ու սերմնաբջիջը:
Սերմնաժայթքման ընթացում արտամղվում է մոտ 3մլ սերմնահեղուկ, որը պարունակում է մոտ 300 միլիոն սերմնաբջիջ: Այդքանից ընդամենը 150-200 սերմնաբջիջների է հաջողվում անցնել արգանդի վզիկով դեպի արգանդ և շարժվել դեպի արգանդափողեր: Րոպեում 3 մմ արագությամբ լողալով` 2-3 ժամ անց սերմնաբջիջները հասնում են արգանդափողեր: Բեղնավորումից հետո ձվաբջիջը սկսում է կիսվել և միաժամանակ արգանդափողերով տեղափոխվում է դեպի արգանդի խոռոչ: 3-4 օր անց բեղմնավորված ձվաբջիջը հասնում է արգանդի խոռոչ:
Այդ պահին այն բաղկացած է լինում մոտ 12-58 բջիջներից: Հասնելով արգանդի խոռոչ՝ սաղմը կպչում է արգանդի պատին, և սկսվում է հղիությունը:
Բեղմնավորման օրը դժվար է որոշել, այդ պատճառով սովորաբար կողմնորոշիչ է հանդիսանում վերջին դաշտանի սկսելու օրը: Հղիության տևողությունը 280 օր է կամ 40 շաբաթ ՝ հաշված վերջին դաշտային ցիկլի առաջին օրվանից:
Ապրեք Առողջ…
Պատրաստեց՝ Բունիաթյան Գ.
Կարդացեք նաև՝