Հեմատոմա.Հղիների մոտ ամենահաճախ հանդիպող խնդիրներից մեկը
Հղիների մոտ ամենահաճախ հանդիպող խնդիրներից մեկը հեմատոման է:
Ինչ է դա?
Ինչպես մարմնի ցանկացած այլ հատվածում առաջացած հեմատոման այստեղ այն ևս արյան կուտակում է այս դեպքում արդեն արգանդի խոռոչում պտղաձվի հարևանությամբ։
Հաճախակի հանդիպում է հատկապես հղիության սկզբնական շրջանում։.
Առաջացման պատճառները տարբեր են`
- արյան մակարդելիության խնդիրներ
- սթրեսս
- Սեռական հարաբերություն
- Ճնշման տատանումներ
- Ալկոհոլի օգտագործում
- Տրավմաներ
- Ֆիզիկական, ծանրաբեռնվածություն
- Արգանդի բարձր տոնուս
- տոքսիկոզի ծանր ձևեր
- պրոգեստերոնի մակարդակի իջեցում
Ըստ տեղակայման հեմատոման կարող է լինել
- ենթաթաղանթային,
- ռետրոպլացենտար
Ենթաթաղանթային փոքր հեմատոմաները վտանգավոր չեն, սակայն ամեն դեպքում պետք է գտնվել գինեկոլոգի հսկողության տակ, որպեսզի նրանք չմեծանան։ Մեծ հեմատոմաներն ավելի վտանգավոր են, քանի որ կարող են բերել վիժման։ Ամենավտանգավորը ռետրոպլացենտար հեմատոմաներն են, որոնք մեծանալու դեպքում կարող են հանգեցնել ընկերքի շերտազատման , արյունահոսության, պտղի ներարգանդային մահվան։
Երբեմն հղիները զարմանում են երբ վերջին ուլտրաձայնային հետազոտության ժամանակ ամեն ինչ նորմալ է եղել, իսկ հիմա կա հեմատոմա. Նման երևույթ հաճախ է լինում, քանի որ հեմատոմայի զարգացումն արագ ընթացք ունի։ Հեմատոմաները կարող են ներծծվել կամ արյունային արտադրության տեսքով մաքրվել։ Հեմատոմայի առկայության պարագայում պետք է հետևել գինեկոլոգի խորհուրդներին, որոշ ժամանակ խուսափել սեռական հարաբերությունից, սթրեսներից, ծանրություն բարձրացնելուց, ֆիզիկական ծանրաբեռնվածությունից և փորձել վարել ավելի հանգիստ կյանք:
Այսպիսով հեմատոմա բառը լսելիս պետք չէ միանգամից վախենալ, գուգլով ճշտումներ անել և արդյունքում ավելի ընկնել սթրեսի մեջ, որի արդյունքում կառաջանա նաև արգանդի լարվածություն հետո նոր դիմել գինեկոլոգի, այլ առաջնահերթ կապվեք ձեր բժշկի հետ և հետևեք նրա խորհուրդներին և ամեն ինչ լավ կլինի։
Եվ վերջում հիշեք ամենակարևորը հղիությունը դա կյանքի ամենագեղեցիկ փուլն է մի լարվեք և վայելեք ձեր ներսում նոր կյանքի ձևավորումը:
Նյութը` aroxjblog.am-ին տրամադրեց
<Շնեգավիրթ> ԲԿ-ի – Բժիշկ-ռադիոլոգ, սոնոգրաֆիստ ` Վիկտորյա Չոբանյանը