Ո՞ր սննդային բորբոսը կարող է մահացու լինել
Սննդի վրա որոշ գույների բորբոսը կարող է մահացու լինել: Այս մասին նախազգուշացնում է թունաբան Միխայիլ Կուտուշովը (Ռուսաստան)։
«Դոկտոր Փիթեր» պարբերականը հայտնում է, որ ամենաթունավորը դեղին բորբոսն ու սեւ փտումն է։
Առաջինն ուժեղ միկոտոքսին է առաջացնում, որը թոքերի լուրջ վնասման է հանգեցնում եւ մահվան է հանգեցնում: Իսկ երկրորդը, որն ապրում է հացի վրա, ալկալոիդ ֆումիգոկլավին է արտադրում, որը ծանր թունավորում եւ ասպերգիլոզ է առաջացնում, որը հեմոլիտիկ եւ հակագենային ազդեցություն ունի, ինչպես նաեւ՝ ընդգծված ալերգեն հատկություն։
Մասնագետի խոսքով՝ բորբոսով պատվում են խոնավ եւ շոգ միջավայրում պահվող մթերքները: Բորբոսնելու ամենաարագ ճանապարհը հացը կտրատելն ու պոլիէթիլենով փաթեթավորելն է։ Ընդ որում, եթե հացի վրա բորբոսի հետքեր չկան, բայց կա փտածության եւ բորբոսի հոտ է գալիս, դա նշանակում է, որ այն արդեն սկսել է բորբոսել:
«Եթե մթերքը բորբոսով է պատված, ապա խորհուրդ է տրվում պարզապես չօգտագործել այն: Կա, իհարկե, սննդային բորբոս, օրինակ՝ պանիրների վրա, բայց դա այլ պատմություն է։ Այդպիսի բորբոսը աճեցվում է հատուկ եւ՝ հատուկ ձեւով»,- նշել է մասնագետը:
