Սինգապուրում բուսատեսակներ են հայտնաբերել, որոնք մաքրում են հողը ծանր մետաղներից
Հողն արդյունաբերական թափոններից մաքրելու նոր մեթոդների մշակումներ են իրականացվում մշտապես: Սինգապուրում նույնպես նշանակալի մշակումներ են արվել այդ ուղղությամբ, եւ հետազոտողների խումբը վերջերս ներկայացրել է դրանք, փոխանցում է Planet- today-ը:
Հողի մաքրումը թունավոր միացություններից բույսերի միջոցով կոչվում է ֆիտոռեմեդիացիա: Գիտնականները սկսել են կենդանի բնության մեջ առկա նմուշներն ուսումնասիրելուց՝ պարզելու համար ծանր մետաղների բնական կուտակման հավանականությունը: Բույսերը, որոնք կուտակում են այդ նյութերը, կարող են մաքրող դեր կատարել:
Փորձանմուշներ հավաքելիս մասնագետներն առաջնորդվել են էկոլոգիական անվտանգության չափանիշներով: Եթե բույսը բնորոշ է տվյալ էկոհամակարգին, նշանակում է այն կարելի է անվտանգ մշակել կամ հեռացնել, երբ այն կատարի իր դերը:
Նշվում է, որ ամենալավ արդյունքը ցույց են տվել մեծ տարածում ունեցող մի քանի տեղական բուսատեսակներ, որոնք կարող են հողից զգալի քանակով կադմիում, կապար եւ մկնդեղ կլանել: Դա շատ ավելի մատչելի է, քան հողի լվացման տեխնոլոգիաներ կիրառելը:
Այդ տարրերը կուտակվելով վնասում են էկոհամակարգին, գյուղատնտեսությանը եւ, որպես հետեւանք, կենդանական աշխարհին ու մարդկությանը:
