Փետրվարի 4-ին Աստղիկ բկ-ում մեկնարկեց Լյարդի փոխպատվաստման թեմայով գիտագործնական կոնֆերանսը

Փետրվարի 4-ին Աստղիկ բկ-ում մեկնարկեց Լյարդի փոխպատվաստման թեմայով գիտագործնական կոնֆերանսը։ Կոնֆերանսը տևելու է երկու օր և կրեդիտավորվել է ՀՀ ԱՆ-ի կողմից 14 տեսական ՇՄԶ կրեդիտով։

Սա Աստղիկ բկ-ի և Ազգային բժշկական պալատի կողմից այս թեմայով կազմակերպված թվով երկրորդ կոնֆերանսն է։

Կոնֆերանսին բացման խոսքով հանդես եկան

Աստղիկ բկ-ի վիրաբուժության գծով փոխտնօրեն, պրոֆեսոր Հ. Բարսեղյանը,

Աստղիկ բկ-ի գլխավոր բժիշկ, բգթ դոցենտ Ռ. Կուրղինյանը,

Ազգային բժշկական պալատի հիմնադիր, նախագահ Ն. Վանեսյանը,

ԵՊԲՀ մանկաբուժության մանկական վիրաբուժության ամբիոնի վարիչ, պրոֆեսոր Արա Բաբլոյանը։

Ներկաները հնարավորություն ունեցան ծանոթանալ Աստղիկ բկ-ում փոխպատվաստված 4 հիվանդի պատմությանը տեսանյութերի միջոցով։

Կոնֆերանսի համայցի հատվածում ներկայացվեց և քննարկվեց երկու հիվանդի վարման դեպքերն ու երրորդ փոխպատվաստված հիվանդի անամնեզը։ Վերջինս անձամբ ներկա էր կոնֆերանսի դահլիճում։