Քթի սփրեյներ և կաթիլներ․ ինչու՞ չի կարելի դրանք երկարատև կիրառել

Ժամանակակից աշխարհում, երբ դեղատներում առկա են բազմաթիվ քթային աէրոզոլներ, անիմաստ է մի ամբողջ շաբաթ քայլել հոսող քթով:

Քթային կաթիլներն ու սփրեյները բազմապիսի են` կախված բաղադրությունից և ազդեցությունից: Հարբուխի ժամանակ առավել հաճախ օգտագործվում են անոթասեղմիչ դեղամիջոցներ: Դրանք վերացնում են այնպիսի ախտանիշներ, ինչպիսիք են քթային շնչառության վատթարացումը, այտուցը:

Անոթասեղմիչ ցանկացած դեղամիջոց կիրառվում է որոշակի ժամկետով:

Ներկայումս հարբուխի ժամանակ առավել հաճախ և անվտանգ կիրառվում են խոնավեցնող քթային կաթիլները և սփրեյները :Դրանք վերացնում են այնպիսի ախտանիշներ, ինչպիսիք են քթային շնչառության վատթարացումը, այտուցը:

Հենց այդ այտուցն է, որ թույլ չի տալիս նորմալ շնչել, ուտել ու քնել։ Վերանում է համի ընկալումը, և կյանքի որակն ընկնում է:

Հարբուխի դեմ կիրառվող սփրեյները և կաթիլները այնպիսի նյութ են պարունակում, որը սեղմում, նեղացնում է քթի լորձաթաղանթի անոթները, ինչի շնորհիվ վերանում է լորձաթաղանթի այտուցը և նպաստում է քթային անցուղիների բացմանը:

Ինչու չի կարելի երկարատև օգտագործել քթի կաթիլներ և սփրեյներ։

Դրանք առաջացնում են լորձաթաղանթի սնուցման խանգարում

Առաջացնում են կախվածություն( տախիֆիլաքսիա), հետագայում դժվարանում է այդ կաթիլների օգտագործումից հրաժարվելը:

Դիտվում է շնչառության էլ ավելի վատացում ժամանակի ընթացքում:

Առաջանում է քթում չորության զգացում

Սրտխփոցների, ճնշման բարձրացման պատճառ են հանդիսանում:

Օգտագործեք քթի կաթիլները և սփրեյները միայն բժշկի նշանակմամբ և եղեք առողջ

Նյութը ՝  DrAstineSargsyan