Մեկնարկել է Հակամանրէային դեղերի կայունության հիմնախնդրի վերաբերյալ իրազեկման համաշխարհային շաբաթը
Մեկնարկել է Հակամանրէային դեղերի կայունության հիմնախնդրի վերաբերյալ իրազեկման համաշխարհային շաբաթը:
Այս տարվա կարգախոսն է. «Միասին կանխարգելենք հակամանրէային դեղերի նկատմամբ կայունությունը»:
Հակամանրէային դեղերը մարդկության կարևոր ձեռքբերումներից են, սակայն ոչ պատշաճ օգտագործումը ժամանակի ընթացքում նպաստում է դեղակայունության զարգացմանը. մանրէներն այլևս չեն ենթարկվում հակամանրէային դեղերի ազդեցությանը, դեղերի արդյունավետությունն էլ նվազում է:
Արդյունքում` անհրաժեշտություն է առաջանում կիրառել նոր սերնդի, թանկարժեք դեղեր, ավելանում են կողմնակի երևույթները, երկարում է բուժման ընթացքը` պահանջելով հիվանդանոցային պայմաններում բուժում:
Ընդ որում, բուժումը շատ հաճախ չի տալիս ցանկալի արդյունք: