Անահիտ Ավանեսյանն անդրադարձել է հայ-ֆրանսիական համագործակցության հիմնական ուղղություններին
ՀՀ վարչապետ Նիկոլ Փաշինյանի գլխավորած պատվիրակության անդամ առողջապահության նախարար Անահիտ Ավանեսյանը «Հավակնություններ` Ֆրանսիա-Հայաստան» համաժողովի շրջանակում «Առողջապահություն և սոցիալական ծրագրեր» խորագրով հանդիպմանը ներկայացրել է Հայաստանի առողջապահական համակարգի առաջնահերթությունները.
- առողջության համապարփակ ապահովագրության համակարգի ներդրում,
- առողջության առաջնային պահպանման օղակը` որպես առողջության համապարփակ ապահովագրության հայեցակարգիր հիմք,
- բժշկական հաստատությունների մատուցած ծառայությունների որակի բարձրացում,
- հիմնանորոգման աշխատանքներ:
Անահիտ Ավանեսյանն անդրադարձել է հայ-ֆրանսիական համագործակցության հիմնական ուղղություններին և ձեռքբերումներին`
- Ուռուցքաբանություն
Փոխըմբռնման հուշագիր` Ֆրանսիայի «Goustave Roussy» առաջատար ուռուցքաբանական կենտրոնի հետ, որը ենթադրում է մասնագետների կանոնավոր այցելություններ, խորհրդատվություն, կարողությունների հզորացում, համատեղ գիտական ուսումնասիրությունների և վիրահատությունների իրականացում:
- ԱՆ – «Santé Arménie»
Հետպատերազմյան շրջանում հիմնադրված «Santé Arménie» նախաձեռնության շրջանակներում համատեղ ծրագրեր` հետազոտական կենտրոն, ռեգիստրներ, SOS Սյունիքի գյուղեր, Գորիսի վերականգնողական կենտրոն, հոգեկան առողջության նախագիծ, «Santé Arménie» բժշկական ակադեմիա, համատեղ գիտական հետազոտություններ:
- «Քույր հիվանդանոցների» ստեղծում` գիտելիքի և փորձի փոխանակման, փոխայցերի, համատեղ գիտական և մասնագիտական աշխատանքների, մեթոդական նյութերի, ուղեցույցների մշակման, համատեղ ծրագրերի և համաժողովների իրականացման միջոցով,
- Համագործակցության ծրագրեր` «Ազնավուր» հիմնադրամի և առողջապահության նախարարության միջև: