Դեղորայքներ, որոնք կարող են հանգեցնել տեստոստերոնի իջեցման և սեքսուալ խնդիրների. Սևադա Հակոբյան
Դեղորայքներ, որոնք կարող են հանգեցնել տեստոստերոնի իջեցման և սեքսուալ խնդիրների. թեմային անդրադարձել է Հայ Ամերիկյան Առողջության Կենտրոնի սեքսապաթոլոգ, դոցենտ Սևադա Հակոբյանը։
«Հայտնի է շուրջ 120-ի հասնող դեղորայքն, որոնք կարող են սեռական խնդիրներ առաջ բերել: Այժմ կներկայացնեմ այն դեղորայքային խմբերը, որոնք կարող են արական սեռական հորմոնի նվազման հանգեցնել:
Այս խմբերի դեղորայքների կամ կոնկրետ դեղերի երկարատև կիրառումը կարող է հանգեցնել տեստոստերոնի նվազման, ինչը պատճառ է հանդիսանում սեռական ցանկության նվազման և այլ սեքսուալ խանգարումների առաջացմանը:
Կետոկոնազոլ- կիրառվում է սնկային հիվանդություների բուժման համար
.Ցիմետիդին- կիրառվում է խոցային հիվանդության, գաստրոէզոֆագիալ ռեֆլյուքսի բուժման համար ( ներկայումս հազվադեպ է կիրառվում )
.Սպիրոնոլակտոն- նշանակվում է սիրտանոթային հիվանդությունների, զարկերակային գերճնշման ժամանակ
.Որոշ անտիդեպրեսանտներ- նշանակվում են հոգեկան առողջության խնդիրների ժամանակ
.Քիմիոթերապևտիկ դեղորայքներ- վնասում են սեռական գեղձերը, որոնք տեստոստերոն են արտադրում
Օփիոիդային ( նարկոտիկ) միջոցները կամ ցավազրկողները
.Ստատինները- կիրառվում են խոլեստերինի իջեցման համար։
Իհարկե, վերոնշյալ դեղորայքներից որոշները նշանակվում են հստակ ցուցումներով, սակայն բոլոր դեպքերում պետք է հիշել այս կողմնակի էֆեկտի մասին և հաշվի առնել հետագայում սեքսոլոգիական խնդիրների բուժման ժամանակ»:
