Ճանապարհային ոստիկանությունը հորդորում է ավտոմեքենաները չվստահել անչափահասներին
Այսօր` «Վերջին զանգի» տոնակատարությունների հետ կապված, ճանապարհային ոստիկանությունը իրականացնելու է ուժեղացված ծառայություն:
Ճանապարհային ոստիկանության ծառայողները նախազգուշացնում են «Վերջին զանգի» օրը ավտոմեքենաները չվստահել անչափահասներին և ղեկին նստել միայն սթափ վիճակում։
Ճանապարհային ոստիկանության ճանապարհապարեկային ծառայության բաժնի ծառայողները «Վերջին զանգի» տոնակատարություններին ընդառաջ հանդիպումներ են ունեցել հանրապետության ավագ դպրոցների տնօրենների հետ:
«Վերջին զանգի» օրը ճանապարհային ոստիկանությունը իրականացնելու է ուժեղացված ծառայություն:
«Սիրելի շրջանավարտներ, ծնողներ և ուսուցիչներ, միասին անենք հնարավորը անցանկալի հետևանքներից խուսափելու համար, լինենք զգոն, չխախտենք երթևեկության կանոններն ու հասարակական կարգը, որպեսզի մեր երեխաների ամենահիշարժան օրերից մեկը տոն մնա բոլորիս համար»,–ասված է հաղորդագրության մեջ:
Read more: https://armeniasputnik.am/armenia/20180525/12247143/armenia-verjin-zang.html