Փոքրիրկի գիշերային քնի կարգավորումը
Ամեն երեխա քնի անհատական պահանջ ունի: Երեխայի գրգռված վիճակը վկայում է ,որ նա լավ չի քնել: 2.5-4 տարեկան երեխայի գիշերային քունը 10-15 ժամ է, 4 տարեկանից հետո 9-13 ժամ: Երեխային պետք է քնելու նախապատրաստել հանգիստ և անվրդով: Երեխային պետք է միշտ նույն ժամին պառկեցնել քնելու: Նախապես նրան պետք է հիշեցնել, որ քնելու ժամն է: Երեխային պառկեցնելուց առաջ կարող եք նրան հեքիաթ պատմել: Երեխային վարժեցրեք ինքնուրույն քնելուն: Երեխային քնացնելու հետ կապված դժվարությունները հաճախ մտահոգում են շատ ծնողների: Երեխաների մի մասը գիշերը մեկ կամ երկու անգամ են արթնանում, իսկ մյուսները պահանջում են ծնողների ուշադրությունը: Եթե ծնողները երեխային քնեցրել են օրորելով, կամ շշից հեղուկ խմեցնելով, ապա արթնանալիս երեխան կպահանջի նույնը` որ օրորեն, կամ շիշ տան: Իսկ եթե երեխան վարժվել է ինքնուրույն, մենակ քնելուն, ապա արթնանալիս նա նորից քուն կմտնի առանց ծնողներին արթնացնելու: Երեխայի քնելուց 1-2 ժամ առաջ ցանկալի է դադարեցնել աղմկոտ խաղերն և հեռուստացույց դիտելը: Երեխային կարելի է թույլ տալ, որ ինքնուրույ կատարի քնին նախորդող գործողությունները` լվացվելը, գիշերանց հագնելը, ծնողներին համբուրելը: Շատ երեխաներ դժվարությամբ են համակերպվում ծնողներից առանձին քնելուն: Նման դեպքերում ննջարանի դուռը բաց թողնելը, լույսը վառ պահելը, սիրած խաղալիքը անկողնում դնելը կարող է մխիթարել երեխային, երբ նա գնում է քնելու, կամ գիշերն արթնանում է: Եթե երեխան գիշերն արթնանալու և Ձեզնից հեռու գտնվելու պատճառով լացելու սովորություն ունի, հանգիստ մոտեցեք երեխային, հանգստացրեք, բարի գիշեր մաղթեք և հասկացրեք, որ պիտի քնի, առանց ավելորդ բառերի, մի զայրացեք, մի բղավեք, մի օրորեք: Եթե երեխան հաճախակի ելնում է իր անկողնուց և գալիս է ծնողների սենյակ, խիստ ձայնով բացատրեք, որ չի կարելի նման բան անել, ընգդծելով, որ նա պետք է քնի իր անկողնում: Պետք է հետևողական լինել, որպեսզի երեխան հասկանա, որ դուք Ձեր խոսքի տերն եք: Երեխան պետք է ունենա իր անկյունը, որտեղ պահվում են նրա խաղալիքները, դա նրա փոքրիկ թագավորությունն է, դա փոքրիկին կվարժեցնի Ձեր անձնական կյանքը հարգելուն:
*Երեխային շատ վաղ քնելու մի ուղարկեք, երբեք նրան պատժելու համար քնելու մի ուղարկեք:
*Օրվա ընթացքում երեխան պետք է շատ շարժվի և լինի մաքուր օդում:
*Հաստատակամ եղեք: Երեխայի վարքագիծը որպես լկստվախություն մի ընկալեք. Այդպես երեխան հաճախ ուշադրություն է հրավիրում իր վրա:
*Երեխային մի պառկեցրեք քնելու եթե նա հուզված է, կամ եթե դուք բարկացել եք նրա վրա:
*Երեխային կարելի է քնելու պառկեցնել իր սիրած խաղալիքի հետ:
* Ննջարանում պետք է բավականաչափ տաք լինի:
* Եթե երեխան քնելուց առաջ միշտ լաց է լինում, աշխատեք իմանալ լացի պատճառը:
*Խրախուսեք երեխային, երե նա Ձեզ առավոտ շուտ չի արթնացնում:
Ապրեք առողջ