Անպտղության պատճառները տարեցտարի շատանում են

Գիտությունը շատ է զարգացել և անպտղության հետ կապված մի շարք խնդիրներ ստացել են լուծումներ։ Ժամանակին կային դեպքեր, երբ զույգերին ուղարկում էինք տուն՝ անպտղության դատավճռով, քանի որ չէինք կարող ոչնչով օգնել։ Սակայն հիմա ժամանակներն այլ են, և անպտղությունն այլևս դատավճիռ չէ, քանի որ կան արդի արդյունավետ մեթոդներ՝ անպտղության բուժման համար:

Անպտղության պատճառները տարեցտարի շատանում են

Եթե նախկինում կային անպտղության միայն մի քանի պատճառներ, ապա այսօր դրանց գումարվել են նաև ժամանակակից պայմաններն ու պատճառները.

էկոլոգիայի անմխիթար վիճակը,

սակավաշարժ կենսակերպը,

ավելորդ քաշը,

նյարդահոգեկան լարվածությունների առատությունը, այլ կերպ ասած՝ նևրոզները, որոնք ավելի խոցելի են դարձնում հատկապես կանանց:

Այսօր անպտղության հիմնական պատճառներն են՝

սեռավարակները,

վիրուսային հիվանդությունները, հորմոնալ խանգարումները։

Կան մի շարք լուծումներ` կախված պատճառներից՝

Առաջին հերթին, հարկավոր է ախտորոշել անպտղությունը

Զույգը համարվում է անպտուղ, երբ այս կամ այն պատճառով, առանց որևէ հակաբեղմնավորիչների կամ մեթոդների օգտագործման , 12 ամսվա ընթացքում կանոնավոր սեռական կյանքով ապրելու դեպքում՝ հղիություն չի գրանցվում

Ապտղության պատճառի արագ և ճշգրիտ հայտնաբերումը բուժման հաջողության առաջին փուլն է։

Լիարժեք հետազոտություններից և անպտղության պատճառը սահմանելուց հետո որոշվում է, թե որն է զույգի համար հղիության հասնելու ամենաճշգրիտ տարբերակը։

Համապատասխան բուժումներից և հորմոնալ շեղումների կարգավորումից հետո փորձում ենք հասնել հղիության կա՛մ բնական ճանապարհով, կա՛մ ներարգանդային սերմնավորման, կա՛մ էլ արտամարմնային բեղմնավորման:

«Շենգավիթ» ԲԿ Վերարտադրողական առողջության կենտրոնի ղեկավար Սուսաննա Ուռումյանը վստահեցնում է`

Անպտղությունն այսօր դատավճիռ չէ

Սա ամենակարևոր միտքն է, որ պետք է պահպանի իր մտքում ու սրտում յուրաքանչյուրը, ով բախվել է անպտղության խնդրին։