Արգենտինայում հայտնաբերվել է անհայտ ծագման հեպատիտի կասկածով ութ դեպք
Արգենտինայում հայտնաբերվել է անհայտ ծագման հեպատիտի կասկածով ութ դեպք, հայտնել է երկրի առողջապահության նախարարությունը։
«Երկրում գրանցվել է ութ կասկածելի դեպք։ Իրավասու մարմիններում իրականացվում են անալիզներ եւ համաճարակաբանական հետազոտություններ»,-հայտնել է նախարարությունը։
«Մենք չենք խոսում բռնկման մասին»,-ավելացրել է գերատեսչությունը:
Միեւնույն ժամանակ, Արգենտինայի առողջապահության նախարարությունը որոշել է ստեղծել հատուկ աշխատանքային խումբ, որը պետք է զբաղվի «յուրաքանչյուր դեպքի մանրամասն ուսումնասիրությամբ։
