Գեղարքունիքի մարզի բուժհաստատություններում ապրիլ ամսին ծնվել է 95 երեխա

Գեղարքունիքի մարզի ծննդօգնություն իրականացնող բուժհաստատություններում 2022 թվականի ապրիլին գրանցվել է 95 ծնունդ՝ 50 տղա եւ 45 աղջիկ։ Ինչպես «Արմենպրես»-ին տեղեկացրին Գեղարքունիքի մարզպետարանի առողջապահության եւ սոցիալական ապահովության վարչությունից, 38 երեխա ծնվել է Մարտունու ծննդատանը, 24 երեխա՝ Սեւանի, 16 երեխա՝ Գավառի, 14 երեխա՝ Վարդենիսի բժշկական կենտրոններում, 3 երեխա՝ Ճամբարակի առողջության կենտրոնում։ Նույն աղբյուրի տվյալներով՝ 2021 թվականի ապրիլին Գեղարքունիքի մարզի ծննդօգնություն իրականացնող բուժհաստատություններում գրանցվել է 133 ծնունդ։

Խոսրով Խլղաթյան